શોધખોળ કરો

Recruitment 2025: રેલવેમાં નોકરી મેળવવાની તક, 32,000થી વધુ પદો પર બહાર પડી ભરતી

RRB Recruitment 2025: ભારતીય રેલવે ભરતી બોર્ડે 30 હજારથી વધુ જગ્યાઓ માટે ભરતીની જાહેરાત કરી છે. જેના માટે ઉમેદવારો ટૂંક સમયમાં અરજી કરી શકશે.

Written By : gujarati.abplive.com | Updated at : 22 Jan 2025 08:27 AM (IST)

પ્રતિકાત્મક તસવીર

1/6

RRB Recruitment 2025: ભારતીય રેલવે ભરતી બોર્ડે 30 હજારથી વધુ જગ્યાઓ માટે ભરતીની જાહેરાત કરી છે. જેના માટે ઉમેદવારો ટૂંક સમયમાં અરજી કરી શકશે. રેલવેમાં સરકારી નોકરીની તૈયારી કરી રહેલા ઉમેદવારો માટે સારા સમાચાર છે. રેલવે ભરતી બોર્ડ (RRB) એ લેવલ 1 ની જગ્યાઓ પર ભરતી માટે સૂચના બહાર પાડી છે.

2/6

લાયક ઉમેદવારો 23 જાન્યુઆરી 2025થી 22 ફેબ્રુઆરી 2025 સુધી સત્તાવાર વેબસાઇટ rrbahmedabad.gov.in પર જઇને ઓનલાઈન અરજી કરી શકે છે.

3/6

આ ભરતી હેઠળ 7મા પગાર પંચ (7મા CPC) પે મેટ્રિક્સ મુજબ 32,438 જગ્યાઓ પર નિમણૂકો કરવામાં આવશે.

4/6

આ જગ્યાઓ માટે અરજી કરનારા ઉમેદવારોની ઉંમર 1 જાન્યુઆરી, 2025ના રોજ ઓછામાં ઓછી 18 વર્ષ અને મહત્તમ 36 વર્ષ હોવી જોઈએ. અનામત શ્રેણીના ઉમેદવારોને નિયમો અનુસાર વય મર્યાદામાં છૂટછાટ આપવામાં આવશે.

5/6

સામાન્ય શ્રેણીના ઉમેદવારોએ અરજી ફી તરીકે 500 રૂપિયા ચૂકવવાના રહેશે.PwBD/મહિલા/ટ્રાન્સજેન્ડર/ભૂતપૂર્વ સૈનિકો અને SC/ST/લઘુમતી/આર્થિક રીતે પછાત વર્ગ (EBC) ઉમેદવારો માટે અરજી ફી 250 રૂપિયા નક્કી કરવામાં આવી છે. ફી ઓનલાઈન મોડ દ્વારા ચૂકવી શકાય છે.

6/6

સૌ પ્રથમ rrbahmedabad.gov.in પર જાવ. પછી હોમપેજ પર "Recruitment" વિભાગમાં જાવ. આ પછી જરૂરી માહિતી દાખલ કરો. પછી ઉમેદવારોએ અરજી ફી ચૂકવવી પડશે. હવે ઉમેદવારોએ અરજી ફોર્મ સબમિટ કરવું જોઈએ. વધુ જરૂર પડે તો અરજીનું પ્રિન્ટઆઉટ રાખો. આ ભરતી માટેની અરજી પ્રક્રિયા 23 જાન્યુઆરી 2025થી શરૂ થઈ રહી છે. જ્યારે અરજી કરવાની છેલ્લી તારીખ 22 ફેબ્રુઆરી 2025 નક્કી કરવામાં આવી છે.