શું ડાયાબિટીસના દર્દીઓ જામફળનું સેવન કરી શકે, જાણી લો

શું ડાયાબિટીસના દર્દીઓ જામફળનું સેવન કરી શકે, જાણી લો

પ્રતિકાત્મક તસવીર

ડાયાબિટીસમાં કયા ફળો અને શાકભાજી ખાવા જોઈએ? તમારા માટે આ જાણવું ખૂબ જ જરૂરી છે. કેટલાક એવા ફળ છે જે ખાવાથી ડાયાબિટીસના દર્દીના બ્લડ શુગર લેવલ વધી શકે છે. તેથી, ડોકટરો ઉચ્ચ ફાઇબર અને ઓછા ગ્લાયકેમિક ઇન્ડેક્સવાળા ફળો ખાવાની ભલામણ કરે છે.

જામફળની સિઝન શિયાળામાં હોય છે. જાણો ડાયાબિટીસમાં જામફળ ખાઈ શકાય કે કેમ. શું જામફળ ખાવાથી શુગર વધે છે ? જો તમે જામફળ ખાઈ શકો છો તો તમે તેને કેટલી માત્રામાં ખાઈ શકો છો?

જામફળ પોષક તત્વોની દૃષ્ટિએ સફરજન કરતાં શ્રેષ્ઠ છે. જામફળના ફાયદાઓને કારણે તેને સંસ્કૃતમાં 'અમૃત' પણ કહેવામાં આવે છે. શિયાળો એ તાજા અને મીઠા જામફળની ઋતુ છે. તમારે દરરોજ 1 જામફળ ખાવું જોઈએ. જામફળ ડાયાબિટીસના દર્દીઓ માટે પણ ફાયદાકારક ફળ છે. જામફળ જ નહીં, તેના પાન પણ ડાયાબિટીસમાં ફાયદાકારક છે.

જામફળમાં ઘણા વિટામિન્સ મળી આવે છે જે બ્લડ શુગર લેવલને કંટ્રોલમાં રાખે છે. જામફળમાં વિટામિન સી, ફાઈબર, આયર્ન, પોટેશિયમ, લાઈકોપીન અને એન્ટી-ઓક્સીડેન્ટ જોવા મળે છે જે બ્લડ સુગરને નિયંત્રિત કરવામાં મદદ કરે છે.

આ સિવાય જામફળ ખાવાથી વજન ઓછું થાય છે અને શરીરમાં ઇન્સ્યુલિન પ્રતિરોધક ક્ષમતા વધે છે.

ડાયાબિટીસના દર્દીઓ આખા દિવસમાં 1 જામફળ ખાઈ શકે છે. નાસ્તામાં જામફળ ખાવું વધુ ફાયદાકારક માનવામાં આવે છે. આ દિવસભર બ્લડ સુગરને નિયંત્રિત કરવામાં મદદ કરે છે.