ડિપ્રેશનની દવાથી હાર્ટને ખતરો, નવા રિસર્ચમાં ચોંકાવનારો ખુલાસો

એક નવા અભ્યાસ મુજબ, જે લોકો લાંબા સમય સુધી એન્ટીડિપ્રેસન્ટ્સ લે છે તેમને કાર્ડિયાક અરેસ્ટ અથવા અન્ય હૃદય સમસ્યાઓનું જોખમ વધી શકે છે. આવી દવાઓ અંગે અભ્યાસમાં ચેતવણી આપવામાં આવી છે.

પ્રતિકાત્મક તસવીર

એક નવા અભ્યાસ મુજબ, જે લોકો લાંબા સમય સુધી એન્ટીડિપ્રેસન્ટ્સ લે છે તેમને કાર્ડિયાક અરેસ્ટ અથવા અન્ય હૃદય સમસ્યાઓનું જોખમ વધી શકે છે. આવી દવાઓ અંગે અભ્યાસમાં ચેતવણી આપવામાં આવી છે. આજના ભાગદોડ ભર્યા જીવનમાં ડિપ્રેશન એક સામાન્ય સમસ્યા બની રહ્યું છે. આનાથી બચવા માટે લાખો લોકો એન્ટીડિપ્રેસન્ટ્સની મદદ લે છે. પરંતુ શું તમે જાણો છો કે લાંબા સમય સુધી ડિપ્રેશનની દવાઓ લેવાથી તમારા હૃદય પર ખતરનાક અસર પડી શકે છે.

તાજેતરના એક અભ્યાસમાં જાણવા મળ્યું છે કે એન્ટીડિપ્રેસન્ટ્સનો લાંબા ગાળાનો ઉપયોગ કાર્ડિયાક અરેસ્ટનું જોખમ વધારી શકે છે. આનાથી અકાળ મૃત્યુ થઈ શકે છે. આમાં બચવાનો પણ કોઈ મોકો નથી.

ડેન્માર્કમાં 4.3 મિલિયન લોકો પર કરવામાં આવેલા આ અભ્યાસમાં જાણવા મળ્યું છે કે જે લોકોએ ઓછામાં ઓછા 1 થી 5 વર્ષ સુધી એન્ટીડિપ્રેસન્ટ્સ લીધી છે તેમને અચાનક હૃદય બંધ થવાનું જોખમ 56 ટકા વધારે હતું. આ દવાઓ 6 વર્ષ કે તેથી વધુ સમય સુધી લેવાથી જોખમ 2.2 ગણું વધી શકે છે.

અભ્યાસ મુજબ, 30 થી 39 વર્ષની વયના લોકો જેમણે 1 થી 5 વર્ષ સુધી એન્ટીડિપ્રેસન્ટ્સ લીધી હતી તેમને દવા ન લેનારા લોકો કરતા અચાનક કાર્ડિયાક અરેસ્ટનું જોખમ લગભગ 3 ગણું વધારે હતું. જ્યારે 6 વર્ષ કે તેથી વધુ સમય સુધી દવા લેનારાઓમાં જોખમ 5 ગણું વધી જાય છે.

50 થી 59 વર્ષની વયના લોકોમાં જેમણે 1 થી 5 વર્ષ સુધી એન્ટીડિપ્રેસન્ટ્સ લીધા હતા, તેમનામાં અચાનક કાર્ડિયાક અરેસ્ટનું જોખમ બમણું થઈ ગયું. જે લોકો 6 વર્ષ કે તેથી વધુ સમય માટે દવા લે છે તેમના માટે જોખમ ચાર ગણું વધારે છે.

ડેન્માર્કના કોપનહેગન રિગ્સહોસ્પિલેટ હાર્ટ સેન્ટરના ડૉ. જાસ્મીન મુજકાનોવિકે જણાવ્યું હતું કે તમે જેટલા લાંબા સમય સુધી એન્ટીડિપ્રેસન્ટ્સ લો છો તેટલો જ અચાનક કાર્ડિયાક અરેસ્ટનું જોખમ વધારે છે.

તેમણે કહ્યું કે જે લોકો 6 વર્ષ કે તેથી વધુ સમય સુધી દવા લે છે તેમને વધુ જોખમ રહેલું છે. સંશોધકો કહે છે કે 39 વર્ષથી ઓછી ઉંમરના લોકોમાં, આ સમસ્યા ઘણીવાર હૃદયના સ્નાયુઓના જાડા થવા સંબંધિત સમસ્યાઓને કારણે થાય છે. વૃદ્ધોમાં, મુખ્ય કારણ હૃદયને લોહી પહોંચાડતી નસોનું સાંકડું થવું છે. આ અભ્યાસ યુરોપિયન સોસાયટી ઓફ કાર્ડિયોલોજીના વૈજ્ઞાનિક પરિષદ EHRA માં રજૂ કરવામાં આવ્યો હતો.