Bhavnagar Rain: ભાવનગર શહેરમાં ભારે પવન સાથે વરસાદ શરુ

Bhavnagar Rain: ભાવનગર શહેરમાં ભારે પવન સાથે વરસાદ શરુ

ભાવનગર શહેરમાં વરસાદ

ભાવનગર: હવામાન વિભાગની વરસાદની આગાહી વચ્ચે ભાવનગર શહેરમાં ભારે પવન સાથે વરસાદની શરુઆત થઈ છે. ભાવનગર શહેરના પૂર્વ વિસ્તારમાં ભારે પવન સાથે વરસાદ શરૂ થયો છે.

શહેરમાં એક તરફ અતિ ભારે વરસાદ છે અને બીજી તરફ વરસાદનું એક ટીપું પણ નથી. સતત પાંચમાં દિવસે કમોસમી વરસાદ અનેક ગ્રામ્ય અને શહેરી વિસ્તારમાં ખાબક્યો છે.

હાલ ભાવનગર શહેરમાં ભરતનગર, સરદાર નગર,ટોપ થ્રી વિસ્તાર, શિવાજી સર્કલ સહિતના પૂર્વ ભાગમાં જોરદાર વરસાદી ઝાપટું પડ્યું છે.

ભાવનગર જિલ્લામાં છેલ્લા પાંચ દિવસથી સતત વરસાદી માહોલ છે. ભાવનગર શહેર અને જિલ્લામાં કમોસમી વરસાદ વરસી રહ્યો છે.

રાજ્યના હવામાન વિભાગ દ્વારા પણ અમરેલી અને ભાવનગર જિલ્લામાં આજે વરસાદની આગાહી કરવામાં આવી હતી. ભાવનગર શહેર અને ગ્રામ્ય વિસ્તારમાં વરસાદી મોહલ જોવા મળશે.