Weather Update: ભાવનગરમાં વાતાવરણમાં પલટો, ભર ઉનાળે ચોમાસા જેવો પડ્યો વરસાદ

Bhavnagar Weather: ભાવનગરમાં અચાનક બદલાયું હવામાન, ઉનાળા વચ્ચે ચોમાસા જેવો માહોલ.

બપોર પછી ગાજવીજ સાથે વરસાદી છાંટા પડતાં વાતાવરણમાં ઠંડક, ખેડૂતોની ચિંતા વધી.

ભાવનગર શહેરમાં આજે વાતાવરણમાં અચાનક પલટો આવ્યો હતો. ઉનાળાના આકરા તાપ વચ્ચે બપોર પછી વાતાવરણમાં બદલાવ આવતા ચોમાસા જેવો વરસાદી માહોલ સર્જાયો હતો.

બપોર બાદ અચાનક વાતાવરણમાં પલટો આવ્યો અને આકાશ વાદળોથી ઘેરાઈ ગયું હતું.

ત્યારબાદ ગાજવીજ સાથે વરસાદી છાંટા પડવાના શરૂ થયા હતા. વાતાવરણમાં એવો અંધારિયો માહોલ છવાઈ ગયો હતો જે સામાન્ય રીતે ચોમાસામાં જોવા મળે છે.

આ કોમોસમી વરસાદના કારણે ખેડૂતોની ચિંતામાં વધારો થયો છે, કારણ કે આ સમયે ખેતરોમાં ઉભેલા પાકને નુકસાન થવાની સંભાવના છે.

જો કે, બીજી તરફ વાતાવરણમાં અચાનક ઠંડક પ્રસરી જતાં લોકોને ગરમીથી રાહત મળી છે.