મોદી સરકારે પીએફના નિયમમાં કર્યો મોટો ફેરફાર, 6 મહિનાથી ઓછી નોકરી કરનારાઓને પણ મળશે આ લાભ

Employees Pension Scheme Update: હવે એવા EPS સભ્યોને પણ વિડ્રોઅલ બેનિફિટનો લાભ મળશે જેઓ છ મહિનાથી ઓછા સમયગાળા માટે EPSમાં યોગદાન આપે છે.

Employees Pension Scheme: એમ્પ્લોયી પેન્શન સ્કીમ (Employees Pension Scheme)માં છ મહિનાથી ઓછું યોગદાન આપ્યા પછી પણ EPS સભ્યો પૈસા કાઢી શકશે. ભારત સરકારે એમ્પ્લોયી પેન્શન સ્કીમ (EPS) 1995માં સુધારો કર્યો છે જેના પછી છ મહિનાથી ઓછા સમય માટે યોગદાન આપ્યા પછી પણ સભ્યો વિડ્રોઅલ બેનિફિટ (Withdrawal Benefit)નો લાભ લઈ શકશે.

EPS 1995માં સુધારાને કારણે એવા 7 લાખ EPS સભ્યોને લાભ થશે જેઓ ઓછામાં ઓછા છ મહિના માટે EPSમાં યોગદાન આપવાના નિયમ છતાં તેનાથી ઓછા સમયગાળા માટે યોગદાન આપ્યા પછી યોજના વચ્ચેથી છોડી દે છે.

શ્રમ મંત્રાલયે જણાવ્યું કે દેશમાં લાખો એવા EPS 95 યોજનાના સભ્યો છે જેઓ પેન્શન મેળવવા માટે 10 વર્ષ સુધી સતત યોજનામાં યોગદાન આપવાના નિયમ છતાં વચ્ચેથી જ યોજનામાંથી બહાર નીકળી જાય છે. આવા સભ્યોને યોજનાના નિયમ હેઠળ પૈસા કાઢવાનો લાભ આપવામાં આવે છે. નાણાકીય વર્ષ 2023-24માં 30 લાખ વિડ્રોઅલ બેનિફિટના દાવાઓનું સેટલમેન્ટ કરવામાં આવ્યું છે.