Gujarat Rain: જામનગર, પોરબંદર, જૂનાગઢ અને દેવભૂમિ દ્વારકામાં વરસાદ તૂટી પડશે; ઓરેન્જ એલર્ટ સાથે હવામાન વિભાગની મોટી આગાહી

Gujarat Rain Forecast: રાજસ્થાન પર સક્રિય થયેલું લો પ્રેશર સિસ્ટમ રાજ્યમાં જોરદાર વરસાદ લાવશે. હવામાન વિભાગની આગાહી અનુસાર અમદાવાદમાં હળવાથી મધ્યમ વરસાદનું અનુમાન.

Gujarat Rain Alert: ગુજરાતમાં ચોમાસાએ જમાવટ કરી છે ત્યારે હવામાન વિભાગે આજે રાજ્યના 4 જિલ્લામાં 'ઓરેન્જ એલર્ટ' જાહેર કર્યું છે. આ જિલ્લાઓમાં જામનગર, પોરબંદર, જૂનાગઢ અને દેવભૂમિ દ્વારકાનો સમાવેશ થાય છે, જ્યાં ભારે વરસાદ થવાની સંભાવના છે.

Gujarat Weather Alert: હવામાન વિભાગના જણાવ્યા અનુસાર, ગઈકાલે ઉત્તર પશ્ચિમ રાજસ્થાન પર સક્રિય થયેલું ડિપ્રેશન હવે પશ્ચિમ રાજસ્થાન તરફ આગળ વધીને વેલમાર્ક લો પ્રેશર માં પરિવર્તિત થયું છે.

આ ઉપરાંત, મોનસૂન ટ્રફ પાકિસ્તાન, રાજસ્થાન અને ઉત્તર ભારતના વિસ્તારોમાંથી પસાર થઈને બંગાળ સુધી વિસ્તરેલો છે, જે ગુજરાતમાં વરસાદી માહોલ સર્જવામાં મદદ કરશે.

અમદાવાદ અને તેની આસપાસના વિસ્તારોમાં પણ આજે હળવાથી મધ્યમ વરસાદ સાથે ઝાપટાં પડવાની આગાહી કરવામાં આવી છે. રાજ્યમાં પવનની ઝડપ 30 થી 40 કિલોમીટર પ્રતિ કલાક રહેવાની શક્યતા છે, જેને કારણે વાતાવરણમાં ઠંડક પણ અનુભવાશે.

આ 'ઓરેન્જ એલર્ટ' ને પગલે સ્થાનિક વહીવટી તંત્રને સાબદું રહેવા અને જરૂરી સાવચેતીના પગલાં લેવા સૂચના આપવામાં આવી છે.

નાગરિકોને પણ વરસાદી વાતાવરણને ધ્યાનમાં રાખીને સાવચેતી રાખવા અને હવામાન વિભાગની સૂચનાઓનું પાલન કરવા વિનંતી કરવામાં આવી છે.