Gujarat Rain: આગામી ત્રણ કલાક આ જિલ્લાઓમાં તૂટી પડશે વરસાદ, જાણો લેટેસ્ટ અપડેટ

Gujarat Rain: આગામી ત્રણ કલાક આ જિલ્લાઓમાં તૂટી પડશે વરસાદ, જાણો લેટેસ્ટ અપડેટ

પ્રતિકાત્મક તસવીર

અમદાવાદ: રાજ્યમાં સતત વરસાદ વરસી રહ્યો છે. હવામાન વિભાગ દરરોજ કમોસમી વરસાદને લઈ આગાહી કરે છે. હવામાન વિભાગે આગામી ત્રણ કલાક હળવા વરસાદની આગાહી કરી છે. રાજ્યમાં આગામી ત્રણ કલાક સુધી કેટલાક જિલ્લાઓમાં વરસાદી માહોલ જોવા મળશે.

હવામાન વિભાગના જણાવ્યા મુજબ અમદાવાદ, મહેસાણા, ગાંધીનગર, ખેડા, આણંદ, અરવલ્લી, મહીસાગર, દાહોદ, સાબરકાંઠા અને પંચમહાલમાં ગાજવીજ સાથે હળવા વરસાદની આગાહી છે.

હવામાન વિભાગે કહ્યું કે, આ સમયગાળા દરમિયાન આ જિલ્લાઓમાં ગાજવીજ સાથે વરસાદ વરસી શકે છે. પવનની ગતિ 40 કિલોમીટર પ્રતિ કલાક રહેશે.

મુંબઇ સુધી ચોમાસુ પહોંચી ગયું છે. પરંતુ હજુ ગુજરાતમાં ચોમાસાની વિધિવત શરૂઆત નથી થઇ. હવામાન વિભાગે પણ રાજયમાં ચોમાસાની એન્ટ્રીની જાહેરાત નથી કરી.

ગુજરાતમાં છેલ્લા સપ્તાહથી થન્ડરસ્ટ્રોમ એક્ટિવિટીના કારણે ગાજવીજ સાથે કેટલાક છૂટછવાયા વિસ્તારમાં વરસાદ વરસ્યો પરંતુ ચોમાસાના વરસાદની ગુજરાતે હજુ રાહ જોવી પડશે.