Gujarat Rain: દક્ષિણમાં આજે પણ વરસાદી માહોલ, સાગબારામાં સૌથી વધુ 6 ઈંચ, અમદાવાદમાં હજુ નથી ઓસર્યા પાણી, તસવીરો

શાળાના વર્ગખંડમાં પાણી ભરતા બાળકોને રજા આપવામાં આવી હતી. પાણીના નિકાલની વ્યવસ્થા ન હોવાના કારણે બાળકોના અભ્યાસ પર અસર પડી રહી છે. અમદાવાદ મ્યુનિસિપલ કોર્પોરેશનના પાપે બાળકોનો અભ્યાસ પણ બગડી રહ્યો છે

(તસવીર- એબીપી લાઇવ)

Gujarat Rain Updates: બંગાળની ખાડીમાં રચાયેલી સિસ્ટમને કારણે નૈઋત્યનું ચોમાસું મજબૂત બન્યું છે. ગુજરાતમાં ચોમાસું બેઠું ત્યારથી જ ધોધમાર વરસાદ વરસી રહ્યો છે. ત્યારે હજુ આગામી ચાર દિવસ ભારે વરસાદની આગાહી કરવામાં આવી છે.

ગુજરાતમાં છેલ્લા 24 કલાકમાં 140 તાલુકામાં વરસાદ વરસ્યો હતો. મળતી જાણકારી અનુસાર રાજ્યમાં છેલ્લા 24 કલાકમાં 34 તાલુકામાં 2થી 6 ઈંચ સુધીનો વરસાદ વરસ્યો હતો. તે સિવાય નર્મદાના સાગબારામાં સૌથી વધુ છ ઈંચ વરસાદ ખાબક્યો હતો.