સૈફ અલી ખાન કેસઃ આ ચપ્પૂને માનવામાં આવે છે સૌથી ખતરનાક, લાખોમાં છે આની કિંમત

હુમલાખોરે અભિનેતા સૈફ અલી ખાન પર પણ છરીથી હુમલો કર્યો હતો. ડૉક્ટરને તેની કરોડરજ્જુ પાસે છરીનો તૂટેલો ભાગ મળ્યો હતો

(તસવીર- એબીપી લાઇવ)

Knife News: હાલમાં દેશમાં બૉલીવુડ એક્ટર સૈફ અલી ખાન પર ચપ્પૂથી થયેલો હુમલો ચર્ચામાં છે. આ ચપ્પૂ સૈફ અલી ખાનના શરીરમાં ઘૂસી ગયુ અને અડધુ અંદર જ રહ્યું હતુ, જેને સર્જરી કરીને બહાર કાઢવામાં આવ્યુ હતુ. અહીં અમે તમને આજે સૌથી ખતરનાક ચપ્પૂ વિશે વાત કરી રહ્યાં છીએ. સામાન્ય રીતે ઘરોમાં શાકભાજી અને ફળો કાપવા માટે ચપ્પૂ- છરીનો ઉપયોગ થાય છે. ઘણી વખત લોકો તેનો ઉપયોગ સ્વ-બચાવ અને હુમલા માટે પણ કરે છે. આજે અમે તમને દુનિયાના સૌથી ખતરનાક છરી વિશે જણાવીશું. હુમલાખોરે અભિનેતા સૈફ અલી ખાન પર પણ છરીથી હુમલો કર્યો હતો. ડૉક્ટરને તેની કરોડરજ્જુ પાસે છરીનો તૂટેલો ભાગ મળ્યો હતો.

દુનિયાભરમાં છરીઓના ઘણા પ્રકારો અને ડિઝાઇન ઉપલબ્ધ છે. એટલું જ નહીં, બધા છરીઓનો ઉપયોગ પણ અલગ અલગ હોય છે. પરંતુ આજે અમે તમને એક એવા ચપ્પૂ - છરી વિશે જણાવીશું જે સૌથી ખતરનાક માનવામાં આવે છે.

મીડિયા રિપોર્ટ્સ અનુસાર, જર્મન લુહાર લાર્સ શાઇડલરે થોડા વર્ષો પહેલા વિશ્વનો સૌથી તીક્ષ્ણ અને સૌથી મોંઘો છરી બનાવ્યો હતો. લાર્સ શાઇજલરને બાળપણથી જ જાદુઈ તલવારો અને છરીઓ પ્રત્યે ખૂબ જ લગાવ હતો.

લુહાર લાર્સ શાઇડલરે સીરિયાની રાજધાની દમાસ્કસના લુહારોની છરી - ચપ્પૂ બનાવવાની પદ્ધતિ અપનાવી છે. જોકે, સીરિયામાં હવે આ પ્રથા નથી. પરંતુ શાઇડલરે તેના વર્કશોપમાં આ જૂની તકનીકોનો ફરીથી પ્રયાસ કર્યો છે.

લાર્સ શાઇડલર સ્ટીલના સેંકડો સ્તરોમાંથી બનેલા દમાસ્કસ છરીઓ બનાવે છે. શાઇડલર અને તેમના સાથીઓ બહુવિધ સ્તરોથી બનેલી પ્લેટને 30 સેન્ટિમીટર સુધીની લંબાઈ સુધી સપાટ કરે છે. ત્યારબાદ તેઓ સ્ટીલના સ્તરોને એકબીજાની ઉપર સ્ટેક કરે છે, જ્યાં સુધી તેઓ 480 સ્તરો સુધી ન પહોંચે ત્યાં સુધી આ કરે છે.

શાઇડલર દ્વારા બનાવેલા છરીની કિંમત ચાર હજાર યુરો છે. ભારતીય રૂપિયા પ્રમાણે તેની કિંમત 3 લાખ રૂપિયાથી વધુ છે. હકીકતમાં, તેની ધાર મિલીમીટરના એક હજારમા ભાગ જેટલી પાતળી છે. એટલું પાતળું કે તે માનવ વાળને પણ બે ભાગમાં ફાડી શકે છે.