Mahakumbh Satellite Image: અવકાશમાંથી કેવો દેખાય છે મહાકુંભનો દિવ્ય નજારો, ઇસરોએ જાહેર કરી તસવીરો

Mahakumbh Satellite Images: સંગમ શહેરમાં યોજાતા મહાકુંભ દરમિયાન દરરોજ લાખો શ્રદ્ધાળુઓ ગંગામાં ડૂબકી લગાવે છે.

ફાઇલ તસવીર

Mahakumbh Satellite Images: સંગમ શહેરમાં યોજાતા મહાકુંભ દરમિયાન દરરોજ લાખો શ્રદ્ધાળુઓ ગંગામાં ડૂબકી લગાવે છે. ભારતીય અવકાશ એજન્સી ISRO એ મહાકુંભની તૈયારીઓથી લઈને ગંગા સ્નાન સુધીના ફોટા શેર કરવા માટે ભારતીય ઉપગ્રહોનો ઉપયોગ કર્યો છે.

પ્રયાગરાજ મહાકુંભમાં લગભગ 5 કરોડ લોકો પહોંચશે તેવી અપેક્ષા છે. ઇસરોએ અત્યાધુનિક ઓપ્ટિકલ ઉપગ્રહો (sophisticated optical satellites) અને રડારસેટનો ઉપયોગ કરીને તસવીરો લીધી છે.

6 એપ્રિલ 2024ના રોજ મહાકુંભની શરૂઆત પહેલા લેવામાં આવેલી તસવીરોમાં પ્રયાગરાજ પરેડ ગ્રાઉન્ડ જોઈ શકાય છે. આ પછી 22 ડિસેમ્બર 2024નો ફોટો છે જ્યારે ત્યાં વિકાસ કાર્ય ચાલી રહ્યું હતું અને પછી છેલ્લો ફોટો 10 જાન્યુઆરી 2025નો છે, જ્યારે ત્યાં મોટી ભીડ એકઠી થઈ હતી.

આ તસવીરો મહા કુંભ મેળા માટે વિશાળ માળખાગત બાંધકામ દર્શાવે છે. આ તસવીર નદી પર કામચલાઉ ટેન્ટ સિટી અને પુલનું બાંધકામ દર્શાવે છે.

ઉત્તર પ્રદેશ વહીવટીતંત્ર મહા કુંભ મેળા દરમિયાન અકસ્માતો અને નાસભાગ ઘટાડવા માટે પણ આ ફોટોગ્રાફ્સનો ઉપયોગ કરી રહ્યું છે. નવા પેગોડા પાર્કનું બાંધકામ અવકાશમાંથી લેવામાં આવેલી તસવીરોમાં પણ જોઈ શકાય છે.

આજે એટલે કે બુધવાર (22 જાન્યુઆરી) પ્રયાગરાજ 2025નો દસમો દિવસ છે, જે પ્રયાગરાજના સંગમ શહેરમાં યોજાતો સૌથી મોટો ધાર્મિક કાર્યક્રમ છે. અત્યાર સુધીમાં 7 કરોડથી વધુ શ્રદ્ધાળુઓ પવિત્ર ગંગામાં ડૂબકી લગાવી ચૂક્યા છે.

આગામી દિવસોમાં યાત્રાળુઓની અવરજવર વધવાની ધારણા છે, કારણ કે ચાર મુખ્ય શાહી સ્નાન હજુ બાકી છે. મહાકુંભમાં આગામી મુખ્ય સ્નાન તારીખો 29 જાન્યુઆરી, 3 ફેબ્રુઆરી, 12 ફેબ્રુઆરી અને 26 ફેબ્રુઆરી છે.