Pahalgam Terror Attack: પહલગામ હુમલાને TRFના ફોલ્કન સ્ક્વોર્ડે આપ્યો અંજામ, જાણો તેનો શું થાય છે અર્થ?

Pahalgam Terror Attack: જમ્મુ અને કાશ્મીરના પહલગામમાં થયેલા આતંકવાદી હુમલાએ સમગ્ર દેશને હચમચાવી નાખ્યો છે, આ હુમલામાં અત્યાર સુધીમાં 26 લોકોનાં મોત થયા છે, જ્યારે ઘણા લોકો ઘાયલ થયા છે.

પ્રતિકાત્મક તસવીર

Pahalgam Terror Attack: જમ્મુ અને કાશ્મીરના પહલગામમાં થયેલા આતંકવાદી હુમલાએ સમગ્ર દેશને હચમચાવી નાખ્યો છે, આ હુમલામાં અત્યાર સુધીમાં 26 લોકોનાં મોત થયા છે, જ્યારે ઘણા લોકો ઘાયલ થયા છે. અહીં આતંકવાદીઓએ અંધાધૂંધ ગોળીબાર કર્યો અને 26 લોકોની હત્યા કરી દીધી.

આ હુમલાની જવાબદારી આતંકવાદી સંગઠન TRF એ લીધી છે. TRF એટલે ધ રેઝિસ્ટન્સ ફ્રન્ટ, જે લશ્કર-એ-તૌયબા સાથે જોડાયેલું આતંકવાદી સંગઠન છે.

કાશ્મીરમાં TRF દ્વારા આ પહેલો હુમલો નથી આ પહેલા પણ આ આતંકવાદી સંગઠને ઘણા આતંકવાદી હુમલા કર્યા છે.

એવું કહેવામાં આવી રહ્યું છે કે આ હુમલો TRF ના એક ખાસ દળ દ્વારા કરવામાં આવ્યો હતો, જે ખાસ કરીને આવા હુમલાઓ માટે બનાવવામાં આવ્યું છે.

આ ટુકડીનું નામ ફાલ્કન સ્ક્વોડ છે, જે TRF ની સૌથી ભયાનક અને ચપળ ફોર્સ હોવાનું કહેવાય છે. તેઓ પાંચથી દસ મિનિટમાં હુમલો કરે છે અને પછી ત્યાંથી ભાગી જાય છે.

વાસ્તવમાં તેને ફોલ્કન બાજ કહેવામાં આવે છે, જેનો અર્થ છે કે આ આતંકવાદી જૂથ બાજની જેમ હુમલો કરે છે અને પછી ત્યાંથી ઉડી જાય છે. પહલગામમાં પણ કંઈક આવું જ જોવા મળ્યું.

હાલમાં ભારતના વિશેષ દળો અને અન્ય સૈનિકો આ ફાલ્કન સ્ક્વોર્ડની પાંખો કાપવા માટે સતત શોધ ચલાવી રહ્યા છે. એવી અપેક્ષા છે કે ટૂંક સમયમાં બધા આતંકવાદીઓનો ખાત્મો થઈ જશે.