રાશન કાર્ડ ધારકોને ₹1000 રોકડ સહિત 8 નવા લાભો મળશે, સરકારે નિયમોમાં કર્યો મોટો ફેરફાર, જાણો વિગતે

સરકારે નિયમોમાં કર્યા મોટા ફેરફાર; 9 પ્રકારની ખાદ્ય ચીજો, 5 લાખનો આરોગ્ય વીમો અને સિલિન્ડર સબસિડીનો સમાવેશ; 'વન નેશન, વન રાશન કાર્ડ' સુવિધા પણ ઉપલબ્ધ.

ભારતમાં નાગરિકો માટે અત્યંત મહત્વપૂર્ણ ગણાતા રાશન કાર્ડ ધારકો માટે સારા સમાચાર છે. સરકારે રાશન કાર્ડના નિયમોમાં મોટો ફેરફાર કર્યો છે, જેના પરિણામે જૂન 1, 2025 થી તમામ APL, BPL, પીળા અને ગુલાબી રાશન કાર્ડ પર કુલ 8 નવા લાભો આપવાની જાહેરાત કરવામાં આવી છે. આ લાભો 1 જૂન, 2025 થી અમલમાં આવી ગયા છે, જેનો સીધો ફાયદો લાખો પરિવારોને મળશે.

નવા નિયમો મુજબ, રાશન કાર્ડ ધારકોને દર મહિને ₹1000 ની રોકડ સહાય મળશે. આ ઉપરાંત, દેશભરના અન્ય રાજ્યોની જેમ, ઉત્તર પ્રદેશમાં પણ ત્રણ મહિનાનું એડવાન્સ રાશન આપવાનું શરૂ થઈ ગયું છે.

ચોમાસાને કારણે પુરવઠાની સંભવિત સમસ્યાઓને ધ્યાનમાં રાખીને, સરકારે તારીખો બદલીને મે 25 થી જ એડવાન્સ રાશન આપવાનું શરૂ કરી દીધું છે.