Weather News: વીજળીનાં કડાકા-ભડાકા સાથે વરસાદ પડશે, હવામાન વિભાગે એલર્ટ જાહેર કર્યું

Weather Forecast: હવામાન વિભાગે દેશના ઘણા ભાગોમાં વરસાદની સંભાવના દર્શાવતી યલો ચેતવણી જારી કરી છે. કેટલાક રાજ્યોમાં ગાઢ ધુમ્મસની પણ શક્યતા છે.

પ્રતિકાત્મક તસવીર

હવામાન વિભાગના જણાવ્યા અનુસાર, 15 ફેબ્રુઆરીએ બિહાર, ઝારખંડ, ઓડિશા, પશ્ચિમ બંગાળ અને સિક્કિમમાં છૂટાછવાયા સ્થળોએ ગાજવીજ સાથે હળવાથી મધ્યમ વરસાદની સંભાવના છે. આ સ્થળોએ વીજળી પડવાની પણ સંભાવના છે.

15 અને 16 ફેબ્રુઆરીના રોજ સવારે બિહાર અને ઝારખંડમાં કેટલાક સ્થળોએ ગાઢ ધુમ્મસની સંભાવના છે. 17 થી 21 ફેબ્રુઆરી સુધી પશ્ચિમ હિમાલય વિસ્તારમાં ગાજવીજ અને વીજળીના ચમકારા સાથે ભારે વરસાદની સંભાવના છે. કેટલીક જગ્યાએ હિમવર્ષા થવાની સંભાવના છે.