China Ship: હિન્દ મહાસાગરમાં શું કરી રહ્યું છે ચીનનું રિસર્ચ જહાજ ? પકડાઇ ગઇ ડ્રેગનની વધુ એક કરતૂત

ચીને તેના ત્રણ સંશોધન જહાજો હિન્દ મહાસાગરમાં ઉતાર્યા છે. એક રિપોર્ટમાં આ વાત સામે આવી છે

એબીપી લાઇવ

China Research Ship: ચીનના ત્રણ સંશોધન જહાજો હિન્દ મહાસાગરમાં સક્રિયપણે ફરતા જોવા મળ્યા છે. એવી આશંકા છે કે ચીન હિન્દ મહાસાગરમાં થઈ રહેલી ગતિવિધિઓ પર નજર રાખીને ડેટા એકત્રિત કરવાનો પ્રયાસ કરી રહ્યું છે. ચીને હિન્દ મહાસાગરમાં ત્રણ રિસર્ચ શિપ ઉતાર્યા છે

ચીને તેના ત્રણ સંશોધન જહાજો હિન્દ મહાસાગરમાં ઉતાર્યા છે. એક રિપોર્ટમાં આ વાત સામે આવી છે. આ જહાજોના નામ Xiang Yang Hong 03, Zhong Shan Da Shue અને Yang Wang 7 છે, જે ચીન હિન્દ મહાસાગર (IOR) ક્ષેત્રમાં ખૂબ જ સક્રિય છે.

હિન્દ મહાસાગરમાં ચીનની આ કાર્યવાહી અનેક સવાલો ઉભા કરી રહી છે અને માત્ર ભારતમાં જ નહીં પરંતુ સમગ્ર ક્ષેત્રમાં ચિંતાનું વાતાવરણ પેદા કરી રહી છે.

ચીનના ઝિયાંગ યાંગ હોંગ 03 સંશોધન જહાજમાં અદ્યતન સેન્સર, પાણીની અંદર મેપિંગ, દરિયાઈ સર્વેક્ષણ અને ડેટા એકત્ર કરવાની ક્ષમતા છે. તે ગુપ્ત માહિતી મેળવવાની શક્તિ ધરાવે છે. વૈજ્ઞાનિકોએ આ જહાજોને તપાસ માટે તૈયાર કર્યા છે.

ઝોંગ શાન દા શુ સંશોધન જહાજનું નામ સત્યાર સેમ યૂનિવર્સિટીના નામ પરથી રાખવામાં આવ્યું છે. આ જહાજનો ઉપયોગ વ્યૂહાત્મક દેખરેખ માટે થાય છે. હિન્દ મહાસાગરમાં આ જહાજની ગતિવિધિઓ પર ઘણું ધ્યાન આપવામાં આવે છે જેથી કરીને ચીની નૌકાદળની ગતિવિધિઓનો ડેટા મેળવી શકાય.

યાંગ વાંગ 7 નો ઉપયોગ ઉપગ્રહો પ્રક્ષેપિત કરવા અને ઇન્ટરકોન્ટિનેન્ટલ બેલેસ્ટિક મિસાઇલોને મોનિટર કરવા માટે થાય છે. હિન્દ મહાસાગરમાં આ જહાજની હાજરી અંતરિક્ષ અને મિસાઈલ સંબંધિત ચીનના કોઈ મોટા પગલા તરફ ઈશારો કરી રહી છે.

એવું માનવામાં આવે છે કે હિન્દ મહાસાગરમાં આ જહાજોને ઉતારવા પાછળ ચીનનો હેતુ હિન્દ મહાસાગરમાં થતી તમામ સૈન્ય કાર્યવાહી અને વેપાર સાથે સંબંધિત તમામ ડેટા એકત્રિત કરવાનો છે અને તેનો ઉપયોગ તેની સબમરીનની તાકાત વધારવા અને ત્યાં હાજર અન્ય વસ્તુઓ પર નજર રાખવાનો છે.

યૂનાઈટેડ સ્ટેટ્સ ઑફ અમેરિકા (UAE), જાપાન અને ઑસ્ટ્રેલિયા જેવા ભારતના ભાગીદાર દેશો હિન્દ મહાસાગરમાં ચીનના સંશોધન જહાજો પર કાળજીપૂર્વક નજર રાખી રહ્યા છે જેથી ત્યાંની સુરક્ષાને કોઈ નુકસાન ન થાય.