Photos: પાકિસ્તાન સામેની મેચ પહેલા કોહલીનો દિલચસ્પ અંદાજ, જુઓ મેદાન પરની તસવીરો.....

આ પહેલા બન્ને ટીમોના ખેલાડીઓ નેટ પ્રેક્ટિસમાં પરસેવો વહાવી રહ્યાં છે. ત્યારે વિરાટ કોહલીએ ભારત-પાકિસ્તાન મેચ પહેલા જોરશોરથી પ્રેક્ટિસ કરી,

તસવીર (સોશ્યલ મીડિયા પરથી)

India vs Pakistan: આવતીકાલે ભારતીય ટીમ સુપર 4 સ્ટેજમાં ફરી એકવાર પાકિસ્તાની ટીમ સામે ટકરાવવા તૈયાર છે. આ પહેલા બન્ને ટીમોના ખેલાડીઓ નેટ પ્રેક્ટિસમાં પરસેવો વહાવી રહ્યાં છે. ત્યારે વિરાટ કોહલીએ ભારત-પાકિસ્તાન મેચ પહેલા જોરશોરથી પ્રેક્ટિસ કરી, આ સમયગાળાની કેટલીક રસપ્રદ તસવીરો સોશ્યલ મીડિયા પર વાયરલ થઈ રહી છે, જેમાં તેનો દિલચસ્પ અંદાજ જોવા મળી રહ્યો છે.

ભારત અને પાકિસ્તાન વચ્ચે રવિવારે કોલંબોમાં મેચ રમાશે. એશિયા કપ 2023ની આ સુપર -4 મેચમાં ભારત માટે વિરાટ કોહલી મહત્વની ભૂમિકા ભજવી શકે છે. પાકિસ્તાન સામેની છેલ્લી મેચમાં કોહલી કંઈ ખાસ કરી શક્યો નહોતો. તે માત્ર 4 રન બનાવીને આઉટ થયો હતો, પરંતુ હવે તેઓ સંપૂર્ણ તૈયારી સાથે મેદાનમાં ઉતરશે.

કોહલીએ પાકિસ્તાન સામેની મેચ પહેલા ખુબ પ્રેક્ટિસ કરી હતી. આ દરમિયાન તેની દિલકશ અંદાજ અને સ્ટાઈલ સામે આવી છે. કોહલીની એક તસવીર સોશ્યલ મીડિયા પર વાયરલ થઈ રહી છે. આમાં તે ટીમના ખેલાડીઓ સાથે જોવા મળી રહ્યો છે. આ સાથે તે કૂતરાના નાના એક ગલુડિયા સાથે રમતા દેખાઇ રહ્યો છે.

કોહલીએ પ્રેક્ટિસ દરમિયાન શુભમન ગીલને બેટિંગ ટિપ્સ આપી હતી. તે જુનિયર ખેલાડીઓને તેમની પ્રેક્ટિસમાં મદદ કરતો પણ જોવા મળ્યો હતો. શુભમન પાકિસ્તાન સામેની છેલ્લી મેચમાં ફ્લૉપ સાબિત થયો હતો.

વિરાટે બેટિંગને લઈને કૉચ રાહુલ દ્રવિડ સાથે પણ વાત કરી હતી. દ્રવિડ ટીમ ઈન્ડિયાના મુખ્ય કૉચ છે. પાકિસ્તાન સામેની છેલ્લી મેચના પ્રદર્શનથી ભારતીય ખેલાડીઓ પર દબાણ વધી ગયું છે.

ઉલ્લેખનીય છે કે, ભારત અને પાકિસ્તાન વચ્ચે રવિવારે મેચ રમાશે. જો આ મેચ વરસાદના કારણે રદ્દ થશે તો રિઝર્વ ડે પર રમાશે. ભારત અને પાકિસ્તાન વચ્ચે આ એકમાત્ર મેચ છે જેમાં સુપર ફોર માટે રિઝર્વ ડે રાખવામાં આવ્યો છે.