WTC Points Table: ન્યૂઝીલેન્ડ સામેની ટેસ્ટ હારથી ભારતને નુકસાન, જાણો ટેસ્ટ ચેમ્પિયનશિપ પોઈન્ટ્સ ટેબલ અપડેટ

India vs New Zealand Mumbai Test: ભારતને ન્યૂઝીલેન્ડ સામેની હારથી નુકસાન થયું છે. ટીમ ઈન્ડિયા વર્લ્ડ ટેસ્ટ ચેમ્પિયનશિપ પોઈન્ટ્સ ટેબલમાં નીચે સરકી ગઈ છે.

ભારત vs ન્યુઝીલેન્ડ મુંબઈ ટેસ્ટ

ભારતને ન્યૂઝીલેન્ડ સામે ખરાબ રીતે હારનો સામનો કરવો પડ્યો. ન્યૂઝીલેન્ડે ટીમ ઈન્ડિયાને ટેસ્ટ સિરીઝમાં 0-3થી હરાવી છે. ભારતને આ હારની વર્લ્ડ ટેસ્ટ ચેમ્પિયનશિપની પોઈન્ટ્સ ટેબલમાં પણ નુકસાન થયું છે.

ટીમ ઈન્ડિયા વર્લ્ડ ટેસ્ટ ચેમ્પિયનશિપની પોઈન્ટ્સ ટેબલમાં એક સ્થાન નીચે સરકી ગઈ છે. જ્યારે ઓસ્ટ્રેલિયા ટોપ પર પહોંચી ગયું છે.

ભારત હવે વર્લ્ડ ટેસ્ટ ચેમ્પિયનશિપની પોઈન્ટ્સ ટેબલમાં બીજા સ્થાને છે. ભારતે હજુ સુધી 14 મેચ રમી છે અને 8 જીતી છે. આ સાથે પાંચમાં હારનો સામનો પણ કર્યો છે.

ઓસ્ટ્રેલિયાએ 12 મેચ રમી છે અને 8 જીતી છે. તેને 3 મેચોમાં હારનો સામનો કરવો પડ્યો છે.

ન્યૂઝીલેન્ડે ભારત સામે પહેલી ટેસ્ટ મેચ 8 વિકેટથી જીતી હતી. જ્યારે બીજી મેચમાં 113 રનથી જીત નોંધાવી હતી. ભારતને ત્રીજી મેચમાં 25 રનથી હારનો સામનો કરવો પડ્યો હતો.

જણાવી દઈએ કે આ સિરીઝમાં ઋષભ પંત સૌથી વધુ રન બનાવનાર ખેલાડી રહ્યો. તેમણે 3 મેચમાં 261 રન બનાવ્યા છે.