MS Dhoni And TAX: ક્રિકેટમાં જ નહીં ટેક્સ ભરવાના મામલામાં પણ નંબર-1 છે ધોની, જાણો રિટાયર પછી પણ કેટલું કમાય છે ધોની

હાલમાં તે માત્ર ટી20 લીગ IPLમાં જ રમી રહ્યો છે. જોકે, આમ છતાં તેની કમાણીનો ગ્રાફ ઉંચોને ઉંચો જ જઇ રહ્યો છે, અને આ વાતનો અંદાજ તેના દ્વારા આ વર્ષે ચૂકવવામાં આવેલા ટેક્સ પરથી લગાવી શકાય છે.

તસવીર (સોશ્યલ મીડિયા પરથી)

Mahendra Singh Dhoni Tax Payment: ભારતીય ક્રિકેટ ટીમના પૂર્વ કેપ્ટન મહેન્દ્રસિંહ ધોનીએ આ વખતે ફરી એકવાર આઇપીએલની 16મી સિઝનમાં પોતાનો જલવો બતાવીને બધાં ચોંકાવી દીધા છે. ધોની કેટલાક વર્ષો પહેલા જ ઈન્ટરનેશનલ ક્રિકેટમાંથી નિવૃત્તિ લઈ ચૂક્યો છે, છતાં આજે પણ ફેન્સની વચ્ચે તેનો ક્રેઝ એટલો જ છે. હાલમાં તે માત્ર ટી20 લીગ IPLમાં જ રમી રહ્યો છે. જોકે, આમ છતાં તેની કમાણીનો ગ્રાફ ઉંચોને ઉંચો જ જઇ રહ્યો છે, અને આ વાતનો અંદાજ તેના દ્વારા આ વર્ષે ચૂકવવામાં આવેલા ટેક્સ પરથી લગાવી શકાય છે.

ઉલ્લેખનીય છે કે, મહેન્દ્ર સિંહ ધોની વર્ષોથી ઝારખંડ રાજ્યના સૌથી મોટો કરદાતા રહ્યો છે. ઝારખંડ એક ઔદ્યોગિક-વ્યવસાયિક રાજ્ય છે, પરંતુ આ પછી પણ મહેન્દ્ર સિંહ ધોની ઘણા વર્ષોથી આવકવેરો ભરવામાં સમગ્ર ઝારખંડમાં પ્રથમ સ્થાને છે.

ટ્રિબ્યૂન ઈન્ડિયાના એક રિપોર્ટમાં ઈન્કમ ટેક્સ વિભાગને ટાંકીને કહેવામાં આવ્યું છે કે મહેન્દ્ર સિંહ ધોની વર્તમાન મૂલ્યાંકન વર્ષમાં પણ નંબર-1 છે. નાણાકીય વર્ષ 2022-23 માટે પણ ધોનીએ રાજ્યમાં સૌથી વધુ ટેક્સ ચૂકવ્યો છે.

આંતરરાષ્ટ્રીય ક્રિકેટમાંથી નિવૃત્તિ લીધા બાદ પણ તેની કમાણી પર કોઈ ખાસ અસર નથી પડી રહી. આવકવેરા વિભાગને આપવામાં આવેલા એડવાન્સ ટેક્સ પર નજર કરીએ તો તેની કમાણી લગભગ જૂના લેવલ પર જ છે, એટલે કે તેમાં કોઇપણ જાતનો ઘટાડો નથી આવ્યો.

મહેન્દ્ર સિંહ ધોનીએ ગયા નાણાકીય વર્ષ માટે 38 કરોડ રૂપિયાનો એડવાન્સ ઇન્કમ ટેક્સ જમા કરાવ્યો છે. આના એક વર્ષ પહેલા તેને આટલી જ રકમ જમા કરાવી હતી, જ્યારે 2020-21માં તેને 30 કરોડનો એડવાન્સ ટેક્સ ભર્યો હતો.

જો આપણે 31 માર્ચે પૂરા થયેલા નાણાકીય વર્ષ દરમિયાન ચૂકવવામાં આવેલા એડવાન્સ ઇન્કમ ટેક્સના આંકડા પર નજર કરીએ તો તેની કમાણી 130 કરોડ રૂપિયાની આસપાસ છે.

મહેન્દ્ર સિંહ ધોનીની આ કમાણીનું રહસ્ય એ હકીકતમાં છુપાયેલું છે કે ક્રિકેટના મેદાનની જેમ તે બિઝનેસ અને રોકાણના મેદાન પર પણ બેટિંગ કરી રહ્યો છે. તેને ઘણી ઉભરતી કંપનીઓમાં નોંધપાત્ર રોકાણ કર્યું છે.

ધોનીના પૉર્ટફોલિયોમાં ડ્રૉન કંપની ગરુડ એરૉસ્પેસ, ઇન્ટિરિયર ડેકૉરેશન કંપની હૉમલેન, ફિનટેક કંપની ખાટાબુક, કાર્સ24, વપરાયેલી કાર ટ્રેડિંગ કંપનીનો સમાવેશ થાય છે.

આ ઉપરાંત તેને સેવન (7) નામની ફેશન અને લાઈફસ્ટાઈલ બ્રાન્ડ શરૂ કરી છે. ધોની કંપનીની ફૂટવેર બ્રાન્ડ માસ્ટરસ્ટ્રૉકમાં સંપૂર્ણ હિસ્સો ધરાવે છે. ધોની ફૂડ એન્ડ બેવરેજીસ સ્ટાર્ટઅપ 7ઇંક બ્રૂઝમાં પણ શેરહૉલ્ડર છે. રન એડમ, એક ટેક કંપની છે જે ખેલાડીઓને તેમની કુશળતા વધારવામાં મદદ કરે છે, તે પણ ધોનીના રોકાણ પૉર્ટફૉલિયોમાં સામેલ છે.

ધોની રાંચીમાં હૉટલ ચલાવે છે અને ખેતીમાં પણ હાથ અજમાવે છે. રાંચી પાસે તેનું પોતાનું મોટું ફાર્મહાઉસ છે, જેની તસવીરો વારંવાર વાયરલ થતી રહે છે.