ડેવોન કોનવેની પ્રી-વેડિંગ પાર્ટીમાં છવાયો ધોની, ચેન્નઇના અન્ય ખેલાડીઓએ પણ પહેરી ધોતી

ચેન્નઇના ખેલાડી ડેવોન કોનવે સાથે ધોની

ઈન્ડિયન પ્રીમિયર લીગ 2022 સીઝનમાં ખરાબ પ્રદર્શન છતાં ચેન્નઈ સુપર કિંગ્સ હાલમાં ઉજવણીમાં વ્યસ્ત છે. ચેન્નઇના ખેલાડી ડેવોન કોનવેના ટૂંક સમયમાં લગ્ન કરવા જઈ રહ્યો છે. આ પહેલા ચેન્નઈની ટીમે કોનવેને પ્રી-વેડિંગ પાર્ટી આપી હતી.

ચેન્નઈ ટીમના પૂર્વ કેપ્ટન મહેન્દ્ર સિંહ ધોની ન્યૂઝીલેન્ડના બેટ્સમેન ડેવોન કોનવેની પ્રી-વેડિંગ પાર્ટીમાં પીળા રંગના કુર્તામાં જોવા મળ્યો હતો. કોનવેએ તમામ સાથી ખેલાડીઓ સાથે ફોટા પડાવ્યા હતા.

30 વર્ષીય ડેવોન કોનવે તેની ગર્લફ્રેન્ડ કિમ વોટસન સાથે લગ્ન કરવાનો છે. ડેવોન હાલમાં આઈપીએલ માટે ભારતમાં હાજર છે. તેની ગર્લફ્રેન્ડ કિમ પણ તેની સાથે રહે છે. કિમ વીડિયો કોલ દ્વારા પાર્ટીમાં જોડાઇ હતી

કોનવેની પ્રી-વેડિંગ પાર્ટીમાં ચેન્નઈ ટીમના તમામ ખેલાડીઓ ટ્રેડિશનલ ડ્રેસ લુંગીમાં જોવા મળ્યા હતા. આ પાર્ટીમાં ચેન્નઈ ટીમના નવા કેપ્ટન રવિન્દ્ર જાડેજા અને ધોની સહિત મિશેલ સેન્ટનર, ઈંગ્લેન્ડના મોઈન અલી, શિવમ દુબે સહિત તમામ સાથી ખેલાડીઓ અને સ્ટાફ જોવા મળ્યો હતો.

ચેન્નઈ ફ્રેન્ચાઈઝીએ મુંબઈની ટ્રાઈડેન્ટ હોટેલમાં ડેવોન કોનવેને આ પાર્ટી આપી હતી. આઈપીએલ 2022ની સીઝન માટે ચેન્નઈની ટીમ પણ આ હોટલમાં રોકાઈ રહી છે.

આઈપીએલમાં ન્યૂઝીલેન્ડના વિકેટકીપર બેટ્સમેન ડેવોન કોનવેની આ પ્રથમ સિઝન રહી છે. તેણે અત્યાર સુધી માત્ર એક જ મેચ રમી છે જેમાં તેણે માત્ર 3 રન બનાવ્યા છે. કોનવેને ચેન્નઈ ફ્રેન્ચાઈઝીએ મેગા ઓક્શનમાં ખરીદ્યો હતો. આ માટે એક કરોડ રૂપિયાની બોલી લગાવી હતી.

પ્રી-વેડિંગ પાર્ટીમાં ધોની અને જાડેજા સહિત તમામ ખેલાડીઓ અને સ્ટાફે કોનવેને એન્વલપ પણ આપ્યા હતા. આ પાર્ટીમાં કેક પણ કાપવામાં આવી હતી.

All Photo Credit: Instagram