Battlegrounds Mobile Indiaનુ નવુ ટીઝર રિલીઝ, મળી શકે છે PUBGનુ આ ખાસ ફિચર, જાણો શું......

Battlegrounds_Mobile_India

નવી દિલ્હીઃ પબજીના લાખો દિવાનાઓનો ઇન્તજાર ખતમ થવાનો છે. Battlegrounds Mobile Indiaના નામથી લૉન્ચ થનારી પબજીનુ નવુ વર્ઝન ભારતમાં આ મહિનામાં લૉન્ચ થઇ શકે છે. વળી આ પહેલા ગેમનુ ટીઝર સામે આવ્યુ છે. આ ટીઝરમાં પબજીની UAZ જીપ અને એરંગેલ મેપને બતાવવામાં આવ્યા છે. 15 સેકન્ડનુ આ ટીઝર ગેમની ઓફિશિયલ યુટ્યૂબ ચેનલ પર રિલીઝ કરી દેવામાં આવ્યુ છે.

મળી શકે છે UAZ જીપ અને Erangel મેપ પબજીમાં મેપને પાર કરવા માટે એવા કેટલાય વ્હીકલ્સ છે, જે ગેમમાં રેન્ડમલી મળશે. આ વ્હીકલ્સમાંથી એક UAZ જીપમાં એક સાથે ચાર પ્લેયર્સની સ્ક્વૉડ બેસી શકે છે. આમાં બેસીને આ સ્ક્વૉડ મેપને પાર કરી શકે છે. આ ઉપરાંત Erangel મેપને હવે બેટલગ્રાઉન્ડ મોબાઇલ ઇન્ડિયાના ટીઝરમાં સામેલ કરવામાં આવ્યુ છે. આ ટીઝરમાં મેપ ‘Erangel’ નામથી બતાવવામાં આવ્યુ છે. કંપનીએ આ વખતે આનુ નામ બદલી નાંખ્યુ છે.