Gary Kirsten Resignation: પાકિસ્તાન ક્રિકેટ ટીમના કોચ ગેરી કર્સ્ટને આપ્યું રાજીનામું, છ મહિના અગાઉ સંભાળી હતી જવાબદારી

Gary Kirsten: બાબરની જગ્યાએ વિકેટકીપર બેટ્સમેન મોહમ્મદ રિઝવાનને ટીમનો નવો કેપ્ટન બનાવવામાં આવ્યો છે.

ફાઇલ તસવીર

Pakistan White Ball Coach Gary Kirsten Resigned:: પાકિસ્તાન ક્રિકેટ બોર્ડમાં છેલ્લા કેટલાય સમયથી ઉતારચઢાવ જોવા મળી રહ્યા છે. તાજેતરમાં બોર્ડે વ્હાઇટ બોલ ક્રિકેટ ટીમના કેપ્ટન બાબર આઝમને બરતરફ કરી દીધો હતો. બાબરની જગ્યાએ વિકેટકીપર બેટ્સમેન મોહમ્મદ રિઝવાનને ટીમનો નવો કેપ્ટન બનાવવામાં આવ્યો છે. હવે ટીમના વ્હાઇટ બોલ કોચ ગેરી કર્સ્ટનના રાજીનામાના સમાચાર સામે આવ્યા છે.

Jason Gillespie to take over as Pakistan’s white-ball coach for Australia tour as Gary Kirsten resigns.

More 👇https://t.co/Gt9WHfBlBO

— ICC (@ICC) October 28, 2024

ઇએસપીએનક્રિકઇન્ફોના રિપોર્ટ અનુસાર, પાકિસ્તાનના વ્હાઇટ બોલ ક્રિકેટના કોચ ગેરી કર્સ્ટને રાજીનામું આપી દીધું છે. રિપોર્ટમાં એવો પણ ઉલ્લેખ કરવામાં આવ્યો હતો કે ટૂંક સમયમાં જ ગેરીના રાજીનામાના સમાચાર સત્તાવાર રીતે જાહેર કરવામાં આવશે. ગેરી કર્સ્ટનને પાકિસ્તાનની ટીમના કોચ તરીકે બે વર્ષ માટે નિયુક્ત કરવામાં આવ્યા હતા, પરંતુ તેમનો કાર્યકાળ ભાગ્યે જ લગભગ 6 મહિના સુધી ચાલ્યો હતો. એપ્રિલ 2024માં ગેરી કર્સ્ટનને પાકિસ્તાન ટીમના મુખ્ય કોચ તરીકે નિયુક્ત કરવામાં આવ્યા હતા.

શા માટે ગેરી કર્સ્ટને રાજીનામું આપ્યું?

પાકિસ્તાનના નવા પસંદ કરેલા કોચ ગેરી કર્સ્ટન અને જેસન ગિલેસ્પી અને પાકિસ્તાન ક્રિકેટ બોર્ડ વચ્ચે તણાવ વધ્યો હતો.  બોર્ડે તેમની પાસેથી ટીમની પસંદગીનો અધિકાર છીનવી લીધો હતો. આ સત્તા એક વિશેષ પસંદગી સમિતિ પાસે હતી, જેમાં તે ભાગ નહોતા.                                                                          

ગેરી કર્સ્ટનના કોચિંગ હેઠળ પાકિસ્તાનનું પ્રદર્શન ખરાબ રહ્યું હતું

ગેરી કર્સ્ટનના કોચિંગ હેઠળ પાકિસ્તાનની વ્હાઇટ બોલ ટીમની હાલત ખૂબ જ ખરાબ જોવા મળી હતી. પાકિસ્તાનને ખરાબ રીતે હાર્યા બાદ જૂનમાં રમાયેલા ટી20 વર્લ્ડ કપ 2024માંથી બહાર થવું પડ્યું હતું. પ્રથમ વખત ટૂર્નામેન્ટમાં ભાગ લઈ રહેલા અમેરિકાએ ટી-20 વર્લ્ડ કપમાં પણ પાકિસ્તાનને હરાવ્યું હતું. કોચ અને ખેલાડીઓ વચ્ચે મતભેદ હોવાના અહેવાલો હતા.