IND vs NZ: સદી ફટકાર્યા બાદ પણ ન્યુઝીલેન્ડ સામે વનડેમાંથી યશસ્વી જયસ્વાલ થશે બહાર? જાણો ચોંકાવનારૂ કારણ
IND vs NZ ODI squad: વિશાખાપટ્ટનમ ખાતે રમાયેલી દક્ષિણ આફ્રિકા સામેની ત્રીજી અને નિર્ણાયક મેચમાં યશસ્વી જયસ્વાલે પોતાની પ્રતિભા સાબિત કરી હતી.
IND vs NZ ODI squad: ક્રિકેટમાં ઘણીવાર શાનદાર પ્રદર્શન પણ ટીમમાં સ્થાન જાળવી રાખવા માટે પૂરતું હોતું નથી. આવું જ કંઈક ભારતીય ક્રિકેટના રાઈઝિંગ સ્ટાર યશસ્વી જયસ્વાલ (Yashasvi Jaiswal) સાથે થઈ શકે છે. દક્ષિણ આફ્રિકા સામેની છેલ્લી વનડેમાં મેચ વિનિંગ સદી ફટકારવા છતાં, ન્યૂઝીલેન્ડ સામેની આગામી શ્રેણીમાં તેનું પત્તું કપાઈ શકે છે. 11 January થી શરૂ થનારી આ શ્રેણીમાં નિયમિત કેપ્ટન શુભમન ગિલની વાપસી આ યુવા ખેલાડી માટે મુશ્કેલીનું કારણ બની શકે છે.
116 રનની યાદગાર ઈનિંગ છતાં સંકટના વાદળો
વિશાખાપટ્ટનમ ખાતે રમાયેલી દક્ષિણ આફ્રિકા સામેની ત્રીજી અને નિર્ણાયક મેચમાં યશસ્વી જયસ્વાલે પોતાની પ્રતિભા સાબિત કરી હતી. તેણે 121 બોલમાં 116 રનની શાનદાર ઈનિંગ રમી હતી, જેમાં 12 ચોગ્ગા અને 2 ગગનચુંબી છગ્ગા સામેલ હતા. આ પ્રદર્શન માટે તેને 'પ્લેયર ઓફ ધ મેચ' (Player of the Match) જાહેર કરવામાં આવ્યો હતો. તેમ છતાં, ટીમ કોમ્બિનેશનના ગણિતને કારણે તેને આગામી ન્યૂઝીલેન્ડ પ્રવાસ માટે બેન્ચ પર બેસવું પડે તેવી પૂરેપૂરી શક્યતા છે.
કેપ્ટન ગિલની વાપસી: ઓપનિંગ સ્લોટ માટે ટ્રાફિક જામ
આ સમગ્ર સમીકરણ પાછળનું મુખ્ય કારણ કેપ્ટન શુભમન ગિલ (Shubman Gill) છે. ગિલ દક્ષિણ આફ્રિકા સામેની ટેસ્ટ શ્રેણીમાં ઈજાગ્રસ્ત થયો હતો, જેના કારણે તે વનડે શ્રેણી ગુમાવી બેઠો હતો. જોકે, હવે તે સંપૂર્ણ ફિટ છે અને ન્યૂઝીલેન્ડ સામેની શ્રેણીમાં કેપ્ટન તરીકે ટીમનું નેતૃત્વ કરશે. સ્વાભાવિક છે કે ગિલ રોહિત શર્મા (Rohit Sharma) સાથે ઈનિંગની શરૂઆત કરશે અને ત્રીજા નંબરે વિરાટ કોહલી (Virat Kohli) ફિક્સ છે. આ સ્થિતિમાં ટોપ ઓર્ડરમાં યશસ્વી માટે કોઈ જગ્યા બચતી નથી.
ગિલ vs જયસ્વાલ: શું કહે છે આંકડા?
BCCI એ આ વર્ષે 26 વર્ષીય શુભમન ગિલને મોટી જવાબદારી સોંપીને વનડે અને ટેસ્ટ ટીમનો કેપ્ટન બનાવ્યો છે. ગિલનો ટ્રેક રેકોર્ડ મજબૂત છે. તેણે 58 ODI મેચમાં 99.22 ના સ્ટ્રાઈક રેટથી 2818 રન બનાવ્યા છે, જેમાં 8 સદી સામેલ છે. ઓપનર તરીકે તેણે 53 મેચમાં 2552 રન ખડક્યા છે, જેમાં તેનો સર્વોચ્ચ સ્કોર 208 છે.
બીજી તરફ, યશસ્વી જયસ્વાલની કારકિર્દી હજુ શરૂઆતી તબક્કામાં છે. તેણે ભારત માટે માત્ર 4 વનડે રમી છે, જેમાં તેણે 171 રન બનાવ્યા છે. છેલ્લી મેચમાં અણનમ 116 રન તેની સર્વશ્રેષ્ઠ ઈનિંગ હતી. આમ, અનુભવ અને કેપ્ટનશિપના ભારને કારણે ગિલનું પલ્લું ભારે છે.
ન્યૂઝીલેન્ડ સામે ભારતની સંભવિત ટીમ
શુભમન ગિલ (કેપ્ટન), રોહિત શર્મા, વિરાટ કોહલી, ઋતુરાજ ગાયકવાડ, શ્રેયસ ઐયર (ઉપ-કેપ્ટન), કેએલ રાહુલ (વિકેટકીપર), ઈશાન કિશન (વિકેટકીપર), નીતિશ કુમાર રેડ્ડી, રવિન્દ્ર જાડેજા, વોશિંગ્ટન સુંદર, કુલદીપ યાદવ, હર્ષિત રાણા, અર્શદીપ સિંહ, મોહમ્મદ સિરાજ અને પ્રસિદ્ધ કૃષ્ણા.
ટોપ સ્ટોરી
ટ્રેન્ડિંગ સમાચાર
