શોધખોળ કરો
Advertisement
![ABP Premium](https://cdn.abplive.com/imagebank/Premium-ad-Icon.png)
IND vs WI: પ્રથમ ODIમાં ઐતિહાસિક રેકોર્ડ બનશે, ભારત 1000 ODI રમનાર પ્રથમ ટીમ બનશે
ભારતીય ટીમે 13 જુલાઈ 1974ના રોજ લીડ્ઝમાં ઈંગ્લેન્ડ સામે તેની પ્રથમ ODI મેચ રમી હતી.
![IND vs WI: પ્રથમ ODIમાં ઐતિહાસિક રેકોર્ડ બનશે, ભારત 1000 ODI રમનાર પ્રથમ ટીમ બનશે ind vs wi odi series team india first team to play 1000 odi historical records IND vs WI: પ્રથમ ODIમાં ઐતિહાસિક રેકોર્ડ બનશે, ભારત 1000 ODI રમનાર પ્રથમ ટીમ બનશે](https://feeds.abplive.com/onecms/images/uploaded-images/2022/01/23/fb60f8f989a405bb6b47a2ad8b986b8d_original.jpg?impolicy=abp_cdn&imwidth=1200&height=675)
ટીમ ઇન્ડિયા (ફાઈલ ફોટો)
ODI Team Records: ભારત-વેસ્ટ ઈન્ડિઝ (IND vs WI) વચ્ચેની ત્રણ મેચની ODI શ્રેણી 6 ફેબ્રુઆરીથી શરૂ થઈ રહી છે. આ શ્રેણીની પ્રથમ વનડેમાં ટીમ ઈન્ડિયા એક ઐતિહાસિક રેકોર્ડ પોતાના નામે કરવા જઈ રહી છે. વાસ્તવમાં, આ ભારતીય ટીમની 1000મી ODI મેચ હશે. ક્રિકેટમાં આ આંકડા સુધી પહોંચનારી તે પ્રથમ ટીમ હશે.
ભારતીય ટીમે 13 જુલાઈ 1974ના રોજ લીડ્ઝમાં ઈંગ્લેન્ડ સામે તેની પ્રથમ ODI મેચ રમી હતી. અત્યાર સુધી તે 999 ODI મેચ રમી ચુકી છે. ક્રિકેટમાં સૌથી વધુ વનડે મેચ રમવાનો રેકોર્ડ માત્ર ટીમ ઈન્ડિયાના નામે જ નોંધાયેલો છે. હવે તે 1000 ODI મેચ રમનારી પ્રથમ ટીમ બનવાનો રેકોર્ડ પણ નોંધાવવા જઈ રહી છે. અમદાવાદના મોટેરામાં નરેન્દ્ર મોદી ક્રિકેટ સ્ટેડિયમ આ ઐતિહાસિક ક્ષણનું સાક્ષી બનશે.
અહીં ટોપ-10 ટીમો છે જેણે સૌથી વધુ ODI મેચ રમી છે:
- ભારતઃ ટીમ ઈન્ડિયાએ 999 ODI મેચ રમી છે. આમાં ટીમે 518 મેચ જીતી છે અને 431 મેચમાં હારનો સામનો કરવો પડ્યો છે.
- ઓસ્ટ્રેલિયા: કાંગારૂઓ અત્યાર સુધીમાં 958 ODI મેચ રમી ચૂક્યા છે. તેણે 581 મેચ જીતી છે અને 334માં હારનો સામનો કરવો પડ્યો છે.
- પાકિસ્તાનઃ આપણો પાડોશી દેશ આ યાદીમાં ત્રીજા નંબરે છે. પાકિસ્તાનની ટીમે 936 મેચ રમી છે. આ ટીમે 490 મેચ જીતી છે અને 417 મેચ હારી છે.
- શ્રીલંકાઃ અન્ય એશિયાઈ દેશ ટોપ-5માં સામેલ છે. શ્રીલંકાએ 870 ODI મેચ રમી છે. લંકાની ટીમે 395 મેચ જીતી છે અને 432 મેચ હારી છે.
- વેસ્ટ ઈન્ડિઝઃ વિન્ડીઝની ટીમ આ યાદીમાં પાંચમા સ્થાને છે. વેસ્ટ ઈન્ડિઝે અત્યાર સુધીમાં 834 વનડે રમી છે. આ ટીમે 406 મેચ જીતી છે અને 388 મેચ હારી છે.
Khelo khul ke, sab bhool ke - only on Games Live
વધુ જુઓ
Advertisement
ટ્રેન્ડિંગ સમાચાર
Advertisement
Advertisement
ટોપ સ્ટોરી
ગુજરાત
ગુજરાત
દેશ
ગુજરાત
Advertisement
![ABP Premium](https://cdn.abplive.com/imagebank/metaverse-mid.png)