IND vs AUS 3rd ODI: વનડેમાં ભારતની ધમાકેદાર જીત, રોહિત શર્માનું શાનદાર પ્રદર્શન, ફટકારી સદી

IND vs AUS 3rd ODI: ભારતે ત્રીજી વનડેમાં ઓસ્ટ્રેલિયાને 9 વિકેટથી હરાવ્યું. રોહિત શર્માએ મેચવિનિંગ 121 રનની ઇનિંગ રમીને ટીમ ઇન્ડિયાની જીતમાં મહત્વપૂર્ણ ભૂમિકા ભજવી.

ભારતે ત્રીજી વનડેમાં ઓસ્ટ્રેલિયાને 9 વિકેટે હરાવ્યું.

Source : social media

IND vs AUS 3rd ODI:ભારતે ત્રીજી વનડેમાં ઓસ્ટ્રેલિયાને 9 વિકેટથી હરાવ્યું. રોહિત શર્માએ મેચવિનિંગ 121 રન બનાવી ટીમ ઈન્ડિયાની જીતમાં મહત્વપૂર્ણ ભૂમિકા ભજવી. આ દરમિયાન, વિરાટ કોહલી 70 રન બનાવીને અણનમ રહ્યો. સિડનીમાં ભારતે ત્રીજી વનડે જીતી હોવા છતાં, ઓસ્ટ્રેલિયાએ શ્રેણી 2-1થી જીતી લીધી. આ શુભમન ગિલનો વનડે કેપ્ટન તરીકેનો પહેલો વિજય પણ છે.

ભારતીય બોલરોએ ઓસ્ટ્રેલિયન બેટ્સમેનોને સંપૂર્ણ 50 ઓવર રમવા દીધા ન હતા. પહેલા બેટિંગ કરતા, કાંગારૂ ટીમ ફક્ત 236 રન જ બનાવી શકી. ભારત માટે હર્ષિત રાણાએ સૌથી વધુ 4 વિકેટ લીધી, જે અત્યાર સુધીની વનડે મેચમાં હર્ષિતનું શ્રેષ્ઠ પ્રદર્શન પણ છે.

વિરાટ કોહલી અને રોહિત શર્મા ચમક્યા

237  રનના સામાન્ય લક્ષ્યનો પીછો કરતા, ટીમ ઈન્ડિયાએ 69  રન પર  શુભમન ગિલની વિકેટ ગુમાવી દીધો. તે ફક્ત 24  રન બનાવીને આઉટ થયો હતો. ગિલનું બેટ આખી શ્રેણી દરમિયાન શાંત રહ્યું, ત્રણ ઇનિંગ્સમાં ફક્ત 43 રન બનાવ્યા. જોકે, વિરાટ કોહલી અને રોહિત શર્માએ મળીને ઇનિંગ્સને આગળ ધપાવી અને ભારતની જીત સુનિશ્ચિત કરી.