CSK vs DC: ચેન્નાઈ સુપર કિંગ્સે દિલ્હી કેપિટલ્સને 27 રને હરાવ્યું
CSK vs DC Live Score Update: IPL 2023 ની 55મી મેચ ચેન્નાઈ સુપર કિંગ્સ અને દિલ્હી કેપિટલ્સ વચ્ચે રમાશે. આ મેચ સંબંધિત લાઇવ અપડેટ્સ અહીં વાંચો.
LIVE
Background
CSK vs DC : IPL 2023 ની 55મી મેચ ચેન્નાઈ સુપર કિંગ્સ અને દિલ્હી કેપિટલ્સ વચ્ચે રમાશે. એમએ ચિદમ્બરમ સ્ટેડિયમમાં રમાનારી આ મેચ રસપ્રદ બની શકે છે. મહેન્દ્ર સિંહ ધોનીની કેપ્ટન્સીવાળી ટીમ ચેન્નાઈએ આ સિઝનમાં સારું પ્રદર્શન કર્યું છે. તે પોઈન્ટ ટેબલમાં બીજા સ્થાને છે. જ્યારે દિલ્હી છેલ્લા સ્થાને છે. આ મેચ માટે ચેન્નાઈ અને દિલ્હીની ટીમ પ્લેઈંગ ઈલેવનમાં ફેરફાર કરી શકે છે.
ચેન્નાઈએ દિલ્હીને 27 રનથી હરાવ્યું, પથિરાનાએ 3 વિકેટ લીધી
ચેન્નાઈ સુપર કિંગ્સે દિલ્હી કેપિટલ્સને 27 રને હરાવ્યું. ચેન્નાઈએ પ્રથમ બેટિંગ કરતા 167 રન બનાવ્યા હતા. જેના જવાબમાં દિલ્હીના ખેલાડીઓ માત્ર 140 રન જ બનાવી શક્યા હતા. ચેન્નાઈ તરફથી ધોનીએ 9 બોલમાં 20 રન બનાવ્યા હતા. શિવમ દુબેએ 25 રન અને ઋતુરાજ ગાયકવાડે 24 રનનું યોગદાન આપ્યું હતું. ટીમ તરફથી મતિશા પથિરાનાએ 3 વિકેટ ઝડપી હતી. જ્યારે દીપક ચહરે 2 વિકેટ લીધી હતી. દિલ્હી તરફથી રિલે રુસોએ 35 રનનું યોગદાન આપ્યું હતું.
દિલ્હીને જીતવા માટે 71 રનની જરૂર
દિલ્હી કેપિટલ્સે 16 ઓવરમાં 5 વિકેટ ગુમાવીને 97 રન બનાવ્યા હતા. અક્ષર પટેલ 4 બોલમાં 6 રન બનાવીને રમી રહ્યો છે. રિપલ પટેલે 9 બોલમાં 4 રન બનાવ્યા છે. દિલ્હીની જીત મુશ્કેલ બની ગઈ છે. તેને 24 બોલમાં 71 રનની જરૂર છે.
દિલ્હીએ 8 ઓવરમાં 55 રન બનાવ્યા
દિલ્હી કેપિટલ્સે 8 ઓવરમાં 3 વિકેટ ગુમાવીને 55 રન બનાવ્યા હતા. ટીમને જીતવા માટે 72 બોલમાં 113 રનની જરૂર છે. મનીષ પાંડે 14 રને અને રુસો 17 રને રમી રહ્યા છે. આ બંને વચ્ચે 30 રનની ભાગીદારી થઈ છે.
દિલ્હીને બીજો ઝટકો લાગ્યો
દિલ્હી કેપિટલ્સની બીજી વિકેટ પડી. ફિલિપ સોલ્ટ 11 બોલમાં 17 રન બનાવીને આઉટ થયો હતો. દીપક ચહરે તેને પોતાનો શિકાર બનાવ્યો હતો. દિલ્હીએ 2.3 ઓવરમાં 2 વિકેટ ગુમાવીને 20 રન બનાવ્યા હતા.
દિલ્હીને પહેલો ફટકો લાગ્યો
ડેવિડ વોર્નર અને ફિલિપ સોલ્ટ દિલ્હી કેપિટલ્સ માટે ઓપનિંગ કરવા આવ્યા હતા. આ દરમિયાન વોર્નર ખાતું ખોલાવ્યા વગર જ આઉટ થઈ ગયો હતો. હવે મિચેલ માર્શ બેટિંગ કરવા આવ્યો છે. દિલ્હીએ 2.1 ઓવરમાં એક વિકેટ ગુમાવીને 13 રન બનાવી લીધા છે.
ટ્રેન્ડિંગ સમાચાર
ટોપ સ્ટોરી
