IPL 2023: છેલ્લી ઓવરમાં સૌથી વધુ સિક્સર ફટકારનાર બેટ્સમેન છે ધોની, જાણો ટોપ 5માં કોણ કોણ છે સામેલ

IPL 2023 સીઝનની પ્રથમ મેચમાં ચેન્નાઈ સુપર કિંગ્સે ગુજરાત ટાઇટન્સને જીતવા માટે 179 રનનો લક્ષ્યાંક આપ્યો છે.

( Image Source : Twitter )

Mahendra Singh Dhoni CSK vs GT: IPL 2023 સીઝનની પ્રથમ મેચમાં ચેન્નાઈ સુપર કિંગ્સે ગુજરાત ટાઇટન્સને જીતવા માટે 179 રનનો લક્ષ્યાંક આપ્યો છે. ચેન્નાઈ સુપર કિંગ્સ તરફથી ઓપનર ઋતુરાજ ગાયકવાડે સૌથી વધુ 92 રનની ઇનિંગ રમી હતી. તેણે ઈનિંગમાં 4 ફોર અને 9 સિક્સર ફટકારી હતી.  ચેન્નાઈ સુપર કિંગ્સના કેપ્ટન મહેન્દ્ર સિંહ ધોનીએ 7 બોલમાં 14 રન બનાવીને શાનદાર ફિનિશિંગ કર્યું હતું. મહેન્દ્ર સિંહ ધોનીએ પોતાની ઇનિંગમાં 1 સિક્સ અને 1 ફોર ફટકારી હતી. જોશુઆ લિટલની છેલ્લી ઓવરમાં મહેન્દ્ર સિંહ ધોનીએ 13 રન બનાવ્યા હતા.

છેલ્લી ઓવરમાં સૌથી વધુ સિક્સર મારનાર બેટ્સમેન મહેન્દ્ર સિંહ ધોની 

આંકડા દર્શાવે છે કે મહેન્દ્ર સિંહ ધોનીએ IPL મેચ દરમિયાન છેલ્લી ઓવરમાં સૌથી વધુ સિક્સ ફટકારી છે. અત્યાર સુધી મહેન્દ્ર સિંહ ધોનીએ છેલ્લી ઓવરમાં 52 સિક્સર ફટકારી છે. આ યાદીમાં મહેન્દ્ર સિંહ ધોનીની નજીક પણ કોઈ નથી. IPL મેચ દરમિયાન છેલ્લી ઓવરમાં સૌથી વધુ સિક્સર ફટકારનારા બેટ્સમેનોની યાદીમાં મુંબઈ ઈન્ડિયન્સનો ભૂતપૂર્વ ખેલાડી કિરોન પોલાર્ડ મહેન્દ્ર સિંહ ધોની પછી બીજા ક્રમે છે. જ્યારે ત્રીજા નંબર પર ચેન્નાઈ સુપર કિંગ્સનો રવિન્દ્ર જાડેજા છે.

Time to bring on the shine! 💫#GTvCSK #WhistlePodu #Yellove 🦁💛 pic.twitter.com/azVgAO7hG9

— Chennai Super Kings (@ChennaiIPL) March 31, 2023

આ બેટ્સમેન આ યાદીમાં સામેલ છે

ચેન્નાઈ સુપર કિંગ્સના રવિન્દ્ર જાડેજાએ આઈપીએલમાં છેલ્લી ઓવરમાં 26 સિક્સ ફટકારી છે. આ લિસ્ટમાં હાર્દિક પંડ્યા ચોથા નંબર પર છે. હાર્દિક પંડ્યાએ 25 સિક્સર ફટકારી છે. જ્યારે મુંબઈ ઈન્ડિયન્સનો કેપ્ટન રોહિત શર્મા પાંચમા નંબરે છે. રોહિત શર્માના નામે 23 છગ્ગા છે. આ રીતે, મહેન્દ્ર સિંહ ધોની, કિરોન પોલાર્ડ, રવિન્દ્ર જાડેજા, હાર્દિક પંડ્યા અને રોહિત શર્મા IPLમાં છેલ્લી ઓવરમાં સૌથી વધુ સિક્સર ફટકારનારા ટોપ-5 ખેલાડીઓની યાદીમાં સામેલ છે. બીજી તરફ ચેન્નાઈ સુપર કિંગ્સ અને ગુજરાત ટાઇટન્સ મેચની વાત કરીએ તો હાર્દિક પંડ્યાએ ટોસ જીતીને પહેલા બોલિંગ કરવાનો નિર્ણય કર્યો હતો. પ્રથમ બેટિંગ કરવાનું પસંદ કરતા ચેન્નાઈ સુપાક કિંગ્સે ઓપનર ઋતુરાજ ગાયકવાડની શાનદાર ઈનિંગ્સને કારણે 20 ઓવરમાં 178 રન બનાવ્યા હતા.  

પ્રથમ બેટિંગ કરતા ચેન્નાઈ સુપર કિંગ્સે ગુજરાત ટાઇટન્સ સામે 179 રનનો લક્ષ્યાંક રાખ્યો છે. ચેન્નાઈ તરફથી ઋતુરાજ ગાયકવાડે સૌથી વધુ 92 રન બનાવ્યા હતા. તેના સિવાય મોઇન અલીએ 23 રનની ઇનિંગ રમી હતી. ધોનીએ છેલ્લી ઓવરમાં એક ફોર અને એક સિક્સ ફટકારીને ટીમનો સ્કોર સાત વિકેટે 178 રન સુધી પહોંચાડ્યો હતો. તેણે સાત બોલમાં 14 રન બનાવ્યા હતા. ગુજરાત તરફથી રાશિદ ખાન, અલઝારી જોસેફ અને મોહમ્મદ શમીએ બે-બે વિકેટ લીધી હતી.