ICC: પાકિસ્તાનને લાગ્યો મોટો ઝટકો, રાવલપિન્ડીમાં બેન થઇ શકે છે ઇન્ટરનેશનલ ક્રિકેટ

આ રાવલપિન્ડીની પીચને લઇને ખુદ પાકિસ્તાની ક્રિકેટ બોર્ડના અધ્યક્ષ રમીઝ રાજાએ પણ આ પીચને શરમજનક ગણાવી હતી

ફાઇલ તસવીર

ICC on Rawalpindi pitch: આજકાલ ઇંગ્લેન્ડ ટીમ પાકિસ્તાનના પ્રવાસે છે, બન્ને ટીમો વચ્ચે ત્રણ મેચોની ટેસ્ટ સીરીઝ રમાઇ રહી છે, ઇંગ્લેન્ડે સીરીઝની પ્રથમ બે મેચો જીતીને 2-0થી લીડ હાંસલ કરી લીધી છે. સીરીઝની પહેલી મેચ પાકિસ્તાનના રાવલપિન્ડીમાં રમાઇ હતી. આ મેચમાં રનોનો પુર આવ્યુ હતુ, રાવલપિન્ડીની આ પીચને લઇને હવે અનેક પ્રકારના સવાલો ઉભા થયા છે. 

આ રાવલપિન્ડીની પીચને લઇને ખુદ પાકિસ્તાની ક્રિકેટ બોર્ડના અધ્યક્ષ રમીઝ રાજાએ પણ આ પીચને શરમજનક ગણાવી હતી. હવે આઇસીસીએ આ પીચને બીજીવાર એવરેજથી નીચે નું રેટિંગ આપીને પાકિસ્તાન ક્રિકેટ બોર્ડને મુશ્કેલીમાં મુકી દીધુ છે.  

રાવલપિન્ડીમાં બંધ થઇ શકે છે ઇન્ટરનેશનલ ક્રિકેટ - 
રાવલપિન્ડીની આ પીચને લઇને આઇસીસી તરફથી બીજીવાર ડિમેરિટ પૉઇન્ટ આપવામાં આવ્યો છે, આ પહેલા ઓસ્ટ્રેલિયા વિરુદ્ધ રમાયેલી ટેસ્ટ મેચમાં પણ આ પીચને આઇસીસી તરફથી ડિમેરિટ પૉઇન્ટ આપવામાં આવ્યો હતો. આઇસીસી તરફથી સતત બે વાર ડિમેરિટ પૉઇન્ટ મળવા પાકિસ્તાન ક્રિકેટ બોર્ડ માટે ખતરો સાબિત થઇ શકે છે. જો આ ડિમેરિટ પૉઇનટ્ પાંચ પર પહોંચી જશે તો આઇસીસી તરફથી આ ગ્રાઉન્ડને ઇન્ટરનેશનલ ક્રિકેટ રમવા માટે 12 મહિના સુધી બેન કરી દેવામા આવશે.

મેચ રેફરીએ એમિરેટ્સ આઇસીસી  એલિટ પેનનના એન્ડ પાયક્રૉફ્ટે પીચ વિશે કહ્યું કે, આ ખુબ સપાટ પીચ હતી, જેમાં કોઇપણ પ્રકારની બૉલિંગને કોઇ મદદ ન હતી મળી રહી. આ કારણે બેટ્સમેનોએ ખુબ રન ઠોક્યા, અહીં બન્ને ટીમોએ મોટો સ્કૉર બનાવ્યો, મેચ દરમિયાન પીચ મુશ્કેલથી ખરાબ થઇ. આમાં બૉલરો માટે બહુ જ ઓછી મદદ હતી, એટલે મે જાણ્યુ કે કે આ પીચ આઇસીસી દિશાનિર્દેશો અનુસાર, એવરેજથી નીચે હતી.

બન્યો હતો રેકોર્ડ સ્કૉર - 
ઉલ્લેખનીય છે કે, પાકિસ્તાન અને ઇંગ્લેન્ડની વચ્ચે રમાયેલી પહેલી ટેસ્ટ મેચમાં રેકોર્ડ સ્કૉર બન્યો હતો, બન્ને ટીમોના બેટ્મસેનોએ ખુબ આક્રમકતાથી રન બનાવ્યા હતા, આ આખી મેચમાં 1768 રનનો ટૉટલ સ્કૉર થયો હતો, આ ટેસ્ટ ક્રિકેટમાં ત્રીજો સર્વાધિક સ્કૉર હતો. 

 

ENG vs PAK Test Series: ઇગ્લેન્ડના ખેલાડીઓની સુરક્ષા પર ખતરો, મુલતાનમાં ટીમ હોટલ પાસે ફાયરિંગ

ઈંગ્લેન્ડની ટેસ્ટ ટીમનો પાકિસ્તાનનો વર્તમાન પ્રવાસ એક યા બીજા કારણોસર ચર્ચામાં છે. હવે મુલતાનમાં શરૂ થઈ રહેલી બીજી ટેસ્ટ મેચના એક દિવસ પહેલા એટલે કે ગુરુવારે ફાયરિંગની ઘટના બની છે. મીડિયા રિપોર્ટ્સ અનુસાર, મુલતાનમાં જ્યાં આ ઘટના બની હતી ત્યાંથી ઇગ્લેન્ડની ટીમની હોટલનું અંતર માત્ર એક કિલોમીટર છે. ઉલ્લેખનીય છે કે, ઇગ્લેન્ડની ટેસ્ટ ટીમ 17 વર્ષ બાદ પાકિસ્તાનના પ્રવાસે આવી છે.

PAK પોલીસે ચારની ધરપકડ કરી

ઈન્ડિપેન્ડન્ટના અહેવાલ મુજબ, આ ગોળીબાર બે જૂથો વચ્ચે થયો છે અને આ ઘટનાને ધ્યાનમાં રાખીને પાકિસ્તાન પોલીસે ચારની ધરપકડ કરી છે. ઈંગ્લેન્ડની ટીમ પ્રેક્ટિસ માટે હોટલમાંથી બહાર નીકળી તે પહેલા ફાયરિંગનો અવાજ સંભળાયો હતો. રિપોર્ટમાં કહેવામાં આવ્યું છે કે આ ઘટનાની ઈંગ્લેન્ડ ટીમના પ્રેક્ટિસ સેશન પર કોઈ અસર થઈ નથી. પાકિસ્તાનના પ્રવાસ માટે ઈંગ્લેન્ડના ખેલાડીઓને રાષ્ટ્રપતિ સ્તરની સુરક્ષા પૂરી પાડવામાં આવી હોવાનું કહેવાય છે.

બંને ટીમો વચ્ચે રમાનારી બીજી ટેસ્ટની વાત કરીએ તો ઈંગ્લેન્ડે આ મેચ માટે માર્ક વુડને પોતાના પ્લેઈંગ-11માં સામેલ કર્યો છે. વુડે ઓલરાઉન્ડર લિયામ લિવિંગસ્ટોનનું સ્થાન લીધું છે, જેને રાવલપિંડીમાં પ્રથમ ટેસ્ટ દરમિયાન ઘૂંટણની ઈજા થઈ હતી. પ્રથમ ટેસ્ટ મેચમાં ઈંગ્લેન્ડનો 74 રને વિજય થયો હતો. આવી સ્થિતિમાં જો ઈંગ્લેન્ડની ટીમ આ મેચ જીતી જશે તો તે ટેસ્ટ શ્રેણી પર કબજો કરી લેશે.

ઈંગ્લેન્ડના કેપ્ટન બેન સ્ટોક્સે બીજી ટેસ્ટ મેચની પૂર્વ સંધ્યાએ ન્યૂઝ એજન્સી એએફપીને કહ્યું, 'તમારી ટીમમાં એવો ખેલાડી હોવો એક મોટો બોનસ છે જે 150 કિલોમીટર પ્રતિ કલાકની ઝડપે બોલિંગ કરે છે. વુડ જે રીતે બોલિંગ કરે છે, તે અમારા માટે સારુ સાબિત થશે.