PAK vs NZ Semi-final: સેમિ ફાઇનલમાં પાકિસ્તાનની ન્યૂઝીલેન્ડ સામે 7 વિકેટથી જીત, ટી20 વર્લ્ડકપની ફાઇનલમાં પહોંચ્યુ
PAK vs NZ T20 Score Live: આઇસીસી ટી20 વર્લ્ડકપ 2022માં આજે પ્રથમ સેમિ ફાઇનલ મેચ રમાઇ રહી છે,
LIVE
Background
PAK vs NZ T20 Score Live: આઇસીસી ટી20 વર્લ્ડકપ 2022માં આજે પ્રથમ સેમિ ફાઇનલ મેચ રમાઇ રહી છે, ન્યૂઝીલેન્ડ અને પાકિસ્તાનની ટીમો સિડની ક્રિકેટ ગ્રાઉન્ડ પર ફાઇનલમાં પહોંચવા માટે આમને સામને છે. એકબાજુ બાબર સેના છે, તો બીજીબાજુ વિલિયમસન આર્મી છે.
પાકિસ્તાનની શાનદાર જીત, ફાઇનલમાં પહોંચ્યુ
ટૉસ હારીને 153 લક્ષ્યનો પીછો કરવા ઉતરેલી પાકિસ્તાની ટીમે કીવી સામે શાનદાર 7 વિકેટથી જીત મેળવી લીધી છે. પાકિસ્તાની ટીમે 19.1 ઓવરમાં 3 વિકેટો ગુમાવીને 153 રનના લક્ષ્યને હાંસલ કરી લીધો હતો. આ જીત સાથે જ પાકિસ્તાન પહેલી ટીમ બની ગઇ છે જે આઇસીસી ટી20 વર્લ્ડકપ 2022ની ફાઇનલમાં પહોંચી છે. હવે આવતીકાલે ભારત અને ઇંગ્લેન્ડ વચ્ચે બીજી સેમિ ફાઇનલ મેચ રમાશે, તેમાંથી તેની સામે પાકિસ્તાની ચેમ્પીયન બનવા માટે ટક્કર થશે.
મોહમ્મદ રિઝવાનની ફિફ્ટી
બાબર આઝમ બાદ ઓપનર મોહમ્મદ રિઝવાનને પણ શાનદાર ફિફ્ટી ફટકારી છે, રિઝવાને 36 બૉલમાં 5 ચોગ્ગાની મદદથી 50 રનની ઇનિંગ રમી છે. 14 ઓવરના અંતે ટીમનો સ્કૉર એક વિકેટે 113 રન પહોંચ્યો છે. રિઝવાન 50 રન અને હેરિસ 8 રન બનાવી ક્રિઝ પર છે.
કેપ્ટન બાબર આઝમની તાબડતોડ ફિફ્ટી
પાકિસ્તાની ટીમના કેપ્ટન બાબર આઝમે સેમિ ફાઇનલમાં શાનદાર ફિફ્ટી ફટકારી છે. બાબરે 38 બૉલમાં 7 ચોગ્ગાની મદદથી શાનદાર 50 રનની ઇનિંગ રમી છે. ટીમનો સ્કૉર 11 ઓવરમાં વિના વિકેટે 97 રન છે.
10 ઓવરમાં પાકિસ્તાનના 87 રન
બાબર-રિઝવાનની તાબડતોડ બેટિંગના કારણે પાકિસ્તાની ટીમે 10 ઓવરના અંતે વિના વિકેટે 87 રન બનાવી લીધા છે. બાબર 43 રન અને રિઝવાન 41 રન બનાવીને ક્રિઝ પર છે.
પાવરપ્લેમાં પાકિસ્તાનની તાબડતોડ બેટિંગ, 50 રન પુરા
પાવરપ્લેમાં પાકિસ્તાની ઓપનરોએ ધમાલ મચાવી દીધી છે, કેપ્ટન બાબર આઝમ અને મોહમ્મદ રિઝવાને પ્રથમ 6 ઓવરમાં વિના વિકેટે 55 રન બનાવી લીધા છે, બાબર 25 અને રિઝવાન 28 રન બનાવીને ક્રિઝ પર છે.
ટ્રેન્ડિંગ સમાચાર
ટોપ સ્ટોરી
