T-20 World Cup: નેધરલેન્ડે સાઉથ આફ્રિકાને વર્લ્ડકપમાંથી બહાર ફેંકી, સર્જ્યો મોટો અપસેટ

T-20 World Cup: ટી-20 વર્લ્ડકપની મેચમાં આજે મોટો ઉલટફેર થયો હતો. નેધરલેન્ડે સાઉથ આફ્રિકાને 13 રનથી હરાવીને વર્લ્ડકપમાંથી બહાર ફેંકી દીધું છે. 

ફોટોઃ ટ્વિટર

T-20 World Cup: ટી-20 વર્લ્ડકપની મેચમાં આજે મોટો ઉલટફેર થયો હતો. નેધરલેન્ડે સાઉથ આફ્રિકાને 13 રનથી હરાવીને વર્લ્ડકપમાંથી બહાર ફેંકી દીધું છે. મેચમાં નેધરલેન્ડ્સે પ્રથમ બેટિંગ કરતા ચાર વિકેટના નુકસાન પર 20 ઓવરમાં 158 રન બનાવ્યા હતા જેના જવાબમાં સાઉથ આફ્રિકાની ટીમ 20 ઓવરમાં આઠ વિકેટ ગુમાવી 145 રન બનાવી શકી હતી.

WHAT A WIN! 🤩

Netherlands defeat South Africa in their final Group 2 match of #T20WorldCup#SAvNED |📝: https://t.co/4UJVijHlTA pic.twitter.com/zhmHSOpqVe

— ICC (@ICC) November 6, 2022

આ હાર સાથે દક્ષિણ આફ્રિકાની ટીમ ટૂર્નામેન્ટમાંથી બહાર થઈ ગઈ છે. બીજી તરફ ભારતીય ટીમને તેનો ફાયદો થયો છે. ટીમ 6 પોઈન્ટ સાથે ટુર્નામેન્ટની સેમીફાઈનલમાં પહોંચી ગઈ છે. જોકે, ભારતે તેની છેલ્લી મેચ ઝિમ્બાબ્વે સામે રમવાની છે.

🟠Fantastic win by the Netherlands!@ProteasMenCSA come 13 runs short.
Glover 3/9
Klaassen 2/20
Van Meekeren 1/33
De Leede 2/25@t20worldcup#wewinnenveelmetsport #teamnl #joinourjourney #fairtree #t20worldcup #icc #haveaniceday pic.twitter.com/vxAxfcjEgs

— Cricket🏏Netherlands (@KNCBcricket) November 6, 2022

મિલરના આઉટ થયા પછી હેનરિક ક્લાસેન સ્થિતિ સંભાળી હતી. પરંતુ તે 18 બોલમાં 21 રન બનાવીને આઉટ થયો હતો. આ સાથે ટીમની આશા પણ ખતમ થઈ ગઈ. કેશવ મહારાજ 13 રન બનાવીને આઉટ થયો હતો. કાગીસો રબાડા 9 અને એનરિક નોર્સિયા 4 રન બનાવીને અણનમ રહ્યા હતા. ફાસ્ટ બોલર બ્રેન્ડન ગ્લોવરે 2 ઓવરમાં 9 રન આપીને 3 વિકેટ ઝડપી હતી.

આ અગાઉ દક્ષિણ આફ્રિકાના કેપ્ટન ટેમ્બા બાવુમાએ ટોસ જીતીને પ્રથમ બોલિંગ કરવાનો નિર્ણય લીધો હતો. આ નિર્ણય સાઉથ આફ્રિકા માટે ખોટો સાબિત થયો હતો અને નેધરલેન્ડની ઓપનિંગ જોડીએ શાનદાર શરૂઆત કરી હતી. આ જોડીએ પ્રથમ વિકેટ માટે 8.2 ઓવરમાં 58 રનની ભાગીદારી કરી હતી. અહીં સ્ટીફન મેબર્ગ 30 બોલમાં 37 રન બનાવીને આઉટ થયો હતો. તેના પછી મેક્સ ઓ'ડાઉડ (29) પણ પેવેલિયન પરત ફર્યો હતો. અહીંથી ટોમ કૂપરે 19 બોલમાં 35 અને કોલિન એકરમેને 26 બોલમાં 41 રન ફટકારીને નેધરલેન્ડને 150નો પાર પહોંચાડ્યો હતો. કેપ્ટન સ્કોટ એડવર્ડ્સે પણ છેલ્લી મેચમાં 7 બોલમાં 12 રન બનાવ્યા હતા.

બોલરોએ દક્ષિણ આફ્રિકાની વાપસી કરી હતી

એક સમયે નેધરલેન્ડની ટીમે 12.3 ઓવરમાં માત્ર એક વિકેટે 97 રન બનાવી લીધા હતા. એવું લાગતું હતું કે આ ટીમ 180+નો ટાર્ગેટ રાખી શકે છે પરંતુ અહીં સ્પિનર ​​કેશવ મહારાજે ખતરનાક દેખાતા મેક્સ અને ટોમને પેવેલિયનમાં મોકલીને ટીમની વાપસી કરાવી હતી. તેણે 4 ઓવરમાં 27 રન આપીને 2 વિકેટ લીધી હતી. એનરિક નોર્સિયા અને એડન માર્કરામને પણ 1-1 વિકેટ મળી હતી.