IND vs AUS: T20I નો સિક્સર કિંગ બન્યો રોહિત શર્મા, ગુપ્ટિલને પાછળ રાખી રચ્યો ઈતિહાસ
Rohit Sharma Record: ભારતીય કેપ્ટન રોહિત શર્માએ એક મોટો રેકોર્ડ પોતાના નામે કરી લીધો છે. રોહિત શર્મા ઈન્ટરનેશનલ ટી20 મેચમાં સૌથી વધુ સિક્સર મારનાર બેટ્સમેન બની ગયો છે.
Most Sixes In International T20 Matches: ભારત અને ઓસ્ટ્રેલિયા વચ્ચે બીજી T20 મેચ નાગપુરમાં રમાઈ હતી. ભારતીય ટીમને મેચ જીતવા માટે 8 ઓવરમાં 91 રન બનાવવાના હતા, પરંતુ આ દરમિયાન ભારતીય કેપ્ટન રોહિત શર્માએ એક મોટો રેકોર્ડ પોતાના નામે કરી લીધો છે. રોહિત શર્મા ઈન્ટરનેશનલ ટી20 મેચમાં સૌથી વધુ સિક્સર મારનાર બેટ્સમેન બની ગયો છે. આ મેચ પહેલા રોહિત શર્મા અને ન્યૂઝીલેન્ડના માર્ટિન ગુપ્ટિલ 172-172 છગ્ગા સાથે સંયુક્ત પ્રથમ નંબરે હતા, પરંતુ રોહિત શર્માએ નાગપુરમાં પ્રથમ સિક્સ ફટકારતા જ આ મોટો રેકોર્ડ બનાવી લીધો હતો.
રોહિત શર્માએ માર્ટિન ગુપ્ટિલને પાછળ છોડી દીધો
આ રીતે ભારતીય કેપ્ટન રોહિત શર્માએ માર્ટિન ગુપ્ટિલને પાછળ છોડીને સૌથી વધુ સિક્સર ફટકારવાનો રેકોર્ડ બનાવ્યો છે. રોહિત શર્માએ અત્યાર સુધી 138 ઈન્ટરનેશનલ ટી20 મેચમાં 176 સિક્સર ફટકારી છે. જોકે, ઇન્ટરનેશનલ T20 મેચમાં સૌથી વધુ સિક્સર મારનાર બેટ્સમેનોની યાદીમાં રોહિત શર્મા ટોપ પર છે. આ સાથે જ ન્યુઝીલેન્ડનો માર્ટિન ગુપ્ટિલ બીજા નંબર પર છે. માર્ટિન ગુપ્ટિલે 121 ઈન્ટરનેશનલ ટી20 મેચમાં 172 સિક્સ ફટકારી છે. જ્યારે ઈન્ટરનેશનલ ટી20 મેચમાં સૌથી વધુ સિક્સર મારનાર બેટ્સમેનોની યાદીમાં વેસ્ટ ઈન્ડિઝનો ક્રિસ ગેલ ત્રીજા નંબર પર છે.
ક્રિસ ગેલ સૌથી વધુ સિક્સ મારનાર બેટ્સમેનમાં ત્રીજા ક્રમે છે
વેસ્ટ ઈન્ડિઝના ક્રિસ ગેઈલે 79 ટી20 મેચમાં 124 સિક્સર ફટકારી છે. આ રીતે રોહિત શર્મા અને માર્ટિન ગુપ્ટિલ પછી ક્રિસ ગેલ ત્રીજા નંબર પર છે. જ્યારે આ યાદીમાં ચોથા નંબર પર ઈંગ્લેન્ડના પૂર્વ કેપ્ટન ઈયોન મોર્ગન છે. તેણે 115 ઈન્ટરનેશનલ ટી20 મેચમાં 120 સિક્સર ફટકારી છે. જ્યારે ઓસ્ટ્રેલિયાનો કેપ્ટન એરોન ફિન્ચ સૌથી વધુ છગ્ગા મારનાર બેટ્સમેનોની યાદીમાં પાંચમા નંબરે છે. એરોન ફિન્ચે અત્યાર સુધી 94 ઈન્ટરનેશનલ ટી20 મેચમાં 119 સિક્સર ફટકારી છે.
ટ્રેન્ડિંગ સમાચાર
ટોપ સ્ટોરી
