IND vs AFG: શું આજે ટીમ ઈન્ડિયામાં થશે મોટા ફેરફારો? આવી હશે અફઘાનિસ્તાન સામે ભારતની સંભવિત પ્લેઈંગ ઈલેવન
Afghanistan vs India: આજે ટીમ ઈન્ડિયા સુપર-8ની પોતાની પ્રથમ મેચ અફઘાનિસ્તાન સામે રમશે. આ પછી ભારતીય ટીમને સુપર-8માં બાંગ્લાદેશ અને ઓસ્ટ્રેલિયાનો સામનો કરવાનો છે.
Team India Playing XI Against Afghanistan: 2024 T20 વર્લ્ડ કપમાં લીગ સ્ટેજની મેચો પૂરી થઈ ગઈ છે. હવે સુપર-8 મેચ રમાઈ રહી છે. ભારતીય ક્રિકેટ ટીમ આજે સુપર-8માં પોતાની પ્રથમ મેચ અફઘાનિસ્તાન સામે રમશે. અહીં જાણો આ મેચમાં ભારતીય ટીમની પ્લેઈંગ ઈલેવન કેવી હોઈ શકે છે.
Gearing 🆙 for the Super 8s 👌 👌
— BCCI (@BCCI) June 19, 2024
Prep Mode 🔛 for #TeamIndia 👍 👍#T20WorldCup pic.twitter.com/DjR38cuJZi
ઓપનિંગમાં કોઈ ચેડાં નહીં થાય!
સુપર-8માં વિરાટ કોહલી અને રોહિત શર્મા પણ ઇનિંગ્સની શરૂઆત કરતા જોવા મળી શકે છે. મતલબ કે વિસ્ફોટક યુવા બેટ્સમેન યશસ્વી જયસ્વાલે હાલ બેંચ પર બેસવું પડશે. જો કે કોહલીએ લીગ તબક્કાની મેચોમાં સારી બેટિંગ કરી નથી, તેમ છતાં કેપ્ટન રોહિત માટે આજે ઓપનિંગ જોડીમાં ફેરફાર કરવો મુશ્કેલ છે. વિકેટકીપર બેટ્સમેન રિષભ પંત ત્રીજા નંબર પર રમશે તે નિશ્ચિત માનવામાં આવે છે. આ પોઝિશનમાં તે શાનદાર બેટિંગ કરી રહ્યો છે.
Into the Super 8s ✅
— BCCI (@BCCI) June 18, 2024
Captain Rohit Sharma speaks ahead of the Super 8s as #TeamIndia prepare for the next stage in the nets 🙌 - By @RajalArora
WATCH 🎥🔽 #T20WorldCup | @ImRo45 https://t.co/EF903a1BRp
મિડલ ઓર્ડર કંઈક આવો હશે
મિડલ ઓર્ડરની વાત કરીએ તો વિશ્વનો નંબર વન T20 બેટ્સમેન સૂર્યકુમાર યાદવ ચોથા નંબર પર રમતો જોવા મળશે. સૂર્યા વેસ્ટ ઈન્ડિઝની બેટિંગ પિચો પર તેની જૂની લયમાં જોવા મળી શકે છે. આ પછી શિવમ દુબે અને હાર્દિક પંડ્યા મેચ ફિનિશરની ભૂમિકા ભજવતા જોવા મળશે. આ બંનેની જવાબદારી ઝડપી રન બનાવવાની રહેશે.
કુલદીપ યાદવ માટે તક મળવી મુશ્કેલ
સ્પિન વિભાગમાં રોહિત શર્મા ફરી એકવાર અક્ષર પટેલ અને રવિન્દ્ર જાડેજા પર ભરોસો રાખી શકે છે. જરૂર પડ્યે અક્ષર અને જાડેજા પણ બેટથી યોગદાન આપી શકે છે અને બંને સારી સ્પિન બોલિંગ પણ કરે છે. ફાસ્ટ બોલિંગ વિભાગમાં અર્શદીપ સિંહ, મોહમ્મદ સિરાજ અને જસપ્રિત બુમરાહની ત્રિપુટી એક્શનમાં જોવા મળી શકે છે.
અફઘાનિસ્તાન સામે ટીમ ઈન્ડિયાની સંભવિત પ્લેઈંગ ઈલેવન- રોહિત શર્મા (કેપ્ટન), વિરાટ કોહલી, ઋષભ પંત (વિકેટકીપર), સૂર્યકુમાર યાદવ, શિવમ દુબે, હાર્દિક પંડ્યા, રવિન્દ્ર જાડેજા, અક્ષર પટેલ, અર્શદીપ સિંહ, મોહમ્મદ સિરાજ અને જસપ્રિત બુમરાહ.
ટોપ સ્ટોરી
ટ્રેન્ડિંગ સમાચાર
