World Cup 2023 Points Table: શ્રીલંકાની જીતથી પોઈન્ટ ટેબલમાં ઉથલપાથલ, ઈંગ્લેન્ડ લગભગ બહાર, પાકિસ્તાનનું પણ ટેન્શન વધ્યું

World Cup 2023 Points Table Updated After ENG vs SL: શ્રીલંકાએ વર્લ્ડ કપ 2023ની 25મી મેચમાં ઈંગ્લેન્ડને એકતરફી 8 વિકેટથી હરાવ્યું. શ્રીલંકાની આ જીત બાદ પોઈન્ટ ટેબલમાં મોટી ઉથલપાથલ જોવા મળી રહી છે.

(તસવીર-ટ્વિટર)

Source : Twitter

World Cup 2023 Points Table Updated After ENG vs SL: શ્રીલંકાએ વર્લ્ડ કપ 2023ની 25મી મેચમાં ઈંગ્લેન્ડને એકતરફી 8 વિકેટથી હરાવ્યું. શ્રીલંકાની આ જીત બાદ પોઈન્ટ ટેબલમાં મોટી ઉથલપાથલ જોવા મળી રહી છે. શ્રીલંકાએ ઈંગ્લેન્ડને હરાવીને ખિતાબ જીતવાની રેસમાંથી લગભગ તેને બહાર કરી દીધું અને પાકિસ્તાનની મુશ્કેલીઓ પણ વધારી દીધી. જીત બાદ શ્રીલંકા ટેબલમાં પાંચમા સ્થાને આવી ગયું અને હારનાર ઈંગ્લેન્ડ 9મા સ્થાને સરકી ગયું.

પ્રથમ ત્રણ મેચ હાર્યા બાદ શ્રીલંકાની આ સતત બીજી જીત હતી

પ્રથમ ત્રણ મેચ હાર્યા બાદ શ્રીલંકાની આ સતત બીજી જીત હતી. આ વિજય સાથે શ્રીલંકા 4 પોઈન્ટ અને નેટ રન રેટ નેગેટિવ -0.205 સાથે પાંચમા સ્થાને પહોંચી ગયું છે, જ્યાં પાકિસ્તાન પહેલા હતું. હવે શ્રીલંકાની જીત બાદ 4 પોઈન્ટ હોવા છતાં પાકિસ્તાન ખરાબ નેટ રન રેટના કારણે છઠ્ઠા સ્થાને આવી ગયું છે.

 

🗣️ “As a leader, you want to lead through your own performance and I've not been able to do that.”

Jos Buttler has opened up on England’s disappointing #CWC23 campaign.

But the England captain is keen to remain in charge ⬇️#ENGvSLhttps://t.co/Y4AwPGyuTT

— ICC (@ICC) October 26, 2023

ટોપ-4માં કોઈ ફેરફાર નહીં

ટોપ-4ની વાત કરીએ તો તેમાં કોઈપણ પ્રકારનો ફેરફાર જોવા મળ્યો નથી. યજમાન ભારત 10 પોઈન્ટ સાથે નંબર વન પર છે. ત્યારબાદ સાઉથ આફ્રિકા 8 પોઈન્ટ સાથે બીજા ક્રમે અને ન્યુઝીલેન્ડ 8 પોઈન્ટ સાથે ત્રીજા ક્રમે છે. આફ્રિકા અને ન્યુઝીલેન્ડના નેટ રન રેટના તફાવતને કારણે બંનેના પોઈન્ટ ટેબલની સ્થિતિમાં તફાવત છે. આ પછી ઓસ્ટ્રેલિયા 6 પોઈન્ટ સાથે ચોથા સ્થાને છે.

બીજી ટીમોની કેવી છે હાલત

પોઈન્ટ ટેબલમાં આગળ વધતી વખતે ખળભળાટ મચાવનાર શ્રીલંકા 2 પોઈન્ટ અને નેગેટીવ -0.205ના નેટ રન રેટ સાથે પાંચમા સ્થાને જોવા મળે છે. આ પછી, પાકિસ્તાન 4 પોઈન્ટ અને નેગેટિવ -0.400ના નેટ રન રેટ સાથે છઠ્ઠા સ્થાને છે અને અફઘાનિસ્તાન 4 પોઈન્ટ અને નેટ રન રેટ નેગેટિવ -0.969 સાથે સાતમા સ્થાને છે. આ પછી બાંગ્લાદેશ, ઈંગ્લેન્ડ અને નેધરલેન્ડની ટીમો 2-2 પોઈન્ટ સાથે અનુક્રમે આઠ, નવ અને દસમાં નંબરે છે. ત્રણેય ટીમોના નેટ રન રેટના તફાવતને કારણે પોઈન્ટ ટેબલમાં સ્થાન ઉપર અને નીચે છે.