હૉકી વિશ્વ કપ: ભારતનો ક્વાર્ટર ફાઇનલમાં પ્રવેશ, કેનેડાને 5-1 થી હરાવ્યું

બેલ્જિયમ અને કેનેડાને ક્વાર્ટર ફાઇનલમાં પહોંચવા માટે ક્રોસઓવર મુકબલા જીતવા મડશે. જ્યારે પૂલ સી માંથી દક્ષિણ આફ્રિકાની ટીમ બહાર થઇ ગઈ છે.

ભુવનેશ્વર: હૉકી વિશ્વ કપમાં ભારતીય ટીમે પૂલ-સીની પોતાની અંતિમ મેચમાં જીત હાંસલ કરી સીધા જ ક્વાર્ટર ફાઇનલમાં પ્રવેશ મેળવી લીધો છે. શનિવારે કલિંગા સ્ટેડિયમમાં ભારતે કેનેડાને 5-1 થી માત આપી હતી. હવે ભારતીય ટીમ 13 ડિસેમ્બરે ક્વાર્ટર ફાઇનલ રમશે.

ભારતીય ટીમ આ જીત સાથે ત્રણ મેચમાં સાત પોઈન્ટ્સ સાથે પૂલ-સીના પોઈન્ટ ટેબલમાં ટોચ પર સ્થાન મેળવી લીધું છે. ભારતે પોતાની પ્રથમ મેચમાં દક્ષિણ આફ્રિકાને 5-0 થી હરાવ્યું હતું. જ્યારે બીજી મેચ બેલ્જિયમ સામે 2-2 થી ડ્રો થઇ હતી. ભારતીય હોકી ટીમે પૂલ-સીમાં ત્રણ મેચોમાં 12 ગોલ કર્યા છે અને બેલ્જિયમે નવ કુલ ગોલ કર્યા છે.