મેલબોર્ન ટેસ્ટમાં સચિનના આ રેકોર્ડની બરાબરી કરી શકે છે વિરાટ કોહલી, જાણો વિગતે

નવી દિલ્હીઃ ભારત અનો ઓસ્ટ્રેલિયાની વચ્ચે ચાર ટેસ્ટ મેચની સીરીઝનો ત્રીજો મેચ 26 ડિસેમ્બરે મેલબોર્નમાં રમાશે. બોક્સિગ ડે(Boxing Day Test) ના અવસર પર રમાયેલ આ ટેસ્ટમાં ટીમ ઇન્ડિયાના કેપ્ટન વિરાટ કોહલીની પાસે માસ્ટર બ્લાસ્ટર સચિન તેંડુલકરનો એક ખાસ રેકોર્ડ તોડવાની તક છે.

કેપ્ટન વિરાટ કોહલીએ મેલબોર્નમાં સદી ફટકારશે તો તે એક વર્ષમાં સચિન તેંડુલકરના એક કેલેન્ડર યરમાં 12 સદી ફટકારવાના વર્લ્ડ રેકોર્ડની બરાબરી કરી લેશે. આ કોઇપણ ખેલાડીનું સૌથી શાનદાર પ્રદર્શન છે. સચિને 1998માં 12 સદી ફટકારી હતી. હાલ વિરાટના નામે 11 સદી છે.