DC ની હાર બાદ BCCI એ અક્ષર પટેલને 12 લાખનો દંડ ફટકાર્યો, દિલ્હીની ટીમે કરી આ મોટી ભૂલ
રવિવારે દિલ્હી કેપિટલ્સની ટીમ IPL સીઝન 18માં તેમની પ્રથમ મેચ હારી ગઈ. મુંબઈ ઈન્ડિયન્સ દ્વારા આપવામાં આવેલા 206 રનના લક્ષ્યનો પીછો કરતા, દિલ્હી 193 રનમાં ઓલઆઉટ થઈ ગયું.
DC vs MI: રવિવારે દિલ્હી કેપિટલ્સની ટીમ IPL સીઝન 18માં તેમની પ્રથમ મેચ હારી ગઈ. મુંબઈ ઈન્ડિયન્સ દ્વારા આપવામાં આવેલા 206 રનના લક્ષ્યનો પીછો કરતા, દિલ્હી 193 રનમાં ઓલઆઉટ થઈ ગયું. આ હાર બાદ BCCIએ દિલ્હીના કેપ્ટન અક્ષર પટેલ પર 12 લાખ રૂપિયાનો દંડ લગાવ્યો છે.
દિલ્હીના અરુણ જેટલી સ્ટેડિયમમાં IPL 2025ની આ પ્રથમ મેચ હતી. આ પહેલા રમાયેલી ચારેય મેચો દિલ્હી કેપિટલ્સે જીતી હતી, પરંતુ રવિવારે પોતાના હોમ ગ્રાઉન્ડ પર હારનો સામનો કરવો પડ્યો હતો. પ્રથમ બેટિંગ કરતા મુંબઈ ઈન્ડિયન્સે 205 રન બનાવ્યા હતા. તિલક વર્મા (59) અને રેયાન રિકલ્ટન (41)એ શાનદાર બેટિંગ કરી હતી.
દિલ્હી કેપિટલ્સ માટે કરુણ નાયરે 89 રનની શાનદાર ઇનિંગ રમી હતી, તે 12મી ઓવરમાં આઉટ થયો હતો અને આ સમયે ટીમનો સ્કોર 135 રન હતો. દિલ્હીને જીતવા માટે 50 બોલમાં 71 રનની જરૂર હતી પરંતુ અહીંથી દિલ્હીનો કોઈ બેટ્સમેન ટકી શક્યા નહીં અને મુંબઈ ઈન્ડિયન્સ 12 રને જીતી ગયું. ઈમ્પેક્ટ પ્લેયર તરીકે આવેલા કરણ શર્માએ 4 ઓવરના સ્પેલમાં 36 રન આપીને 3 વિકેટ લીધી હતી અને તેને મેચનો સર્વશ્રેષ્ઠ પ્લેયર જાહેર કરવામાં આવ્યો હતો.
અક્ષર પટેલને શા માટે દંડ કરવામાં આવ્યો?
દિલ્હી કેપિટલ્સ સમય મર્યાદામાં તેમની ઓવર પૂરી કરી શકી ન હતી, તેથી ધીમી ઓવર રેટ માટે કેપ્ટનને 12 લાખ રૂપિયાનો દંડ ફટકારવામાં આવ્યો હતો. IPL આચાર સંહિતાની કલમ 2.22 હેઠળ તેની ટીમનો સીઝનનો પ્રથમ ગુનો હતો, જે ન્યૂનતમ ઓવર-રેટના ગુનાઓથી સંબંધિત છે, તેમને ₹12 લાખનો દંડ ફટકારવામાં આવ્યો હતો.
સતત 3 બોલમાં રન આઉટ
દિલ્હી કેપિટલ્સના 3 બેટ્સમેન સતત 3 બોલ પર રન આઉટ થયા, આ ખાસ હેટ્રિક જસપ્રિત બુમરાહે ફેંકેલી 19મી ઓવરમાં આવી. ઓવરના ચોથા બોલ પર આશુતોષ શર્મા (17), પાંચમા બોલ પર કુલદીપ શર્મા (1) અને છેલ્લા બોલ પર મોહિત શર્મા (0) રન આઉટ થયો હતો. આ હાર બાદ દિલ્હી કેપિટલ્સ 5માંથી 4 મેચ જીતીને પોઈન્ટ ટેબલમાં બીજા સ્થાને છે. આ જીત સાથે મુંબઈ ઈન્ડિયન્સ પોઈન્ટ ટેબલમાં 7મા સ્થાને પહોંચી ગઈ છે.
દિલ્હી કેપિટલ્સને હરાવીને, મુંબઈ ઈન્ડિયન્સે પોઈન્ટ ટેબલમાં છલાંહ લગાવી છે. ટીમ 7મા સ્થાને પહોંચી ગઈ છે, આ સિઝનમાં ટીમની આ બીજી જીત હતી. 6 માં 2 જીત પછી, MI પાસે 4 પોઈન્ટ છે અને તેમનો નેટ રન રેટ (+0.104) નોંધપાત્ર રીતે સુધર્યો છે.
ટોપ સ્ટોરી
ટ્રેન્ડિંગ સમાચાર
