IPL 2022: KKRની જીતની શ્રેયસ અય્યરે આ ખેલાડીને આપી ક્રેડિટ, બતાવ્યુ ધોનીના કારણે કેમ વધી જાય છે આટલુ ટેન્શન
મેચ જીત્યા બાદ કેપ્ટન શ્રેયસે ધોનીનો ઉલ્લેખ કરતાં કહ્યું કે, જ્યારે મહેન્દ્ર સિંહ ધોની બેટિંગ કરી રહ્યો હોય છે તો હંમેશા ટેન્શન વધી જાય છે.
IPL 2022: કોલકત્તા નાઇટ રાઇડર્સે આઇપીએલ 2022માં જીત સાથે શરૂઆત કરી. ટીમે ચેન્નાઇ સુપર કિંગ્સને 6 વિકેટથી હરાવ્યુ, મેચ બાદ કેકેઆરના નવા કેપ્ટન શ્રેયસ અય્યરે ઉમેશ યાદવની ખુબ પ્રસંશા કરી, ઉમેશને 'મેન ઓફ ધ મેચ' પસંદ કરવામાં આવ્યો. આની સાથે તેને કહ્યું કે, મહેન્દ્ર સિંહ ધોની બેટિંગ કરી રહ્યો હોય છે, તો હંમેશા ટેન્શન રહે છે. આ મેચમાં ધોનીએ અણનમ ફિફ્ટી ફટકારી.
મેચ જીત્યા બાદ કેપ્ટન શ્રેયસે ધોનીનો ઉલ્લેખ કરતાં કહ્યું કે, જ્યારે મહેન્દ્ર સિંહ ધોની બેટિંગ કરી રહ્યો હોય છે તો હંમેશા ટેન્શન વધી જાય છે. હું જાણતો હતો કે છેલ્લે મૂમેન્ટમ તેમની બાજુએ જઇ રહ્યું હતુ, બૉલ પર બૉલરની પકડ ન હતી બની રહી. ટીમ મેનેજમેન્ટ, ફ્રેન્ચાઇઝી તમામ ઉત્સાહમાં છે અને અમે આ રીતે આગળ રમવા માંગીએ છીએ.
શ્રેયસે પીચ અને ઉમેશ યાદવનો ઉલ્લેખ કરતાં કહ્યું કે - આ પીચ આશાથી વધુ સ્પંઝી હતી, મને લાગતુ હતુ કે પીચ ફ્લેટ હશે, કેમ કે બાળપણમાં હું અહીં રમ્યો છું. ઉમેશ યાદવે પ્રેક્ટિસ મેચોમા બહુજ સારુ પ્રદર્શન કર્યુ હતુ. તે હંમેશા મહેનત કરે છે અને આજે તેને સારુ પ્રદર્શન કરતા જોઇને સારુ લાગ્યુ.
આઇપીએલની 15મી સિઝનની પ્રથમ મેચમાં જબરદસ્ત રીતે મુકાબલો જોવા મળ્યો. એકબાજુ રવિન્દ્ર જાડેજાની ચેન્નાઇ સુપર કિંગ્સ હતી, તો બીજીબાજુ શ્રેયસ અય્યરની કોલકત્તા નાઇટ રાઇડર્સની ટીમ હતી, બન્ને ટીમો નવો કેપ્ટનો સાથે મેદાનમાં ઉતરી હતી. ટૉસ હારીને પહેલા બેટિંગ કરવા ઉતરેલી સીએસકેએ 20 ઓવરોમાં 5 વિકેટ ગુમાવીને 131 રન બનાવ્યા, આના જવાબમાં કેકેઆરે 18.3 ઓવરોમાં જ મેચ જીતી લીધી. ટીમ માટે અજિંક્યે રહાણેએ 44 રનોની મહત્વની ઇનિંગ રમી. વળી સેમ બિલિંગ્સે પણ
25 રનોનુ મહત્વનુ યોગદાન આપ્યુ. બૉલિંગમાં ઉમેશ યાદવે કમાલ કર્યો, તેને 4 ઓવરોમાં 20 રન આપીને બે વિકેટો ઝડપી.
આ પણ વાંચો.......
કેન્દ્ર સરકારનો મોટો નિર્ણય, પીએમ ગરીબ કલ્યાણ અન્ન યોજનાને વધુ 6 મહિના લંબાવાઈ
ટ્રેન્ડિંગ સમાચાર
ટોપ સ્ટોરી
