Watch: પ્રેક્ટિસ સેશન દરમિયાન રાશિદ ખાન પાસે છોકરાએ બોલ માંગ્યો, રાશિદે આપ્યો મજેદાર જવાબ
ગુજરાત ટાઈટંસના અફઘાની સ્પિનર રાશિદ ખાને સોશિયલ મીડિયા પર એક વીડિયો પોસ્ટ કર્યો છે. આ વીડિયોમાં એક છોકરો તેના પાસે બોલ માંગતો સંભળાય છે.
IPL 2022: ગુજરાત ટાઈટંસના અફઘાની સ્પિનર રાશિદ ખાને સોશિયલ મીડિયા પર એક વીડિયો પોસ્ટ કર્યો છે. આ વીડિયોમાં એક છોકરો તેના પાસે બોલ માંગતો સંભળાય છે. બાળકની આ માંગના જવાબમાં રાશિદ ખાન મજેદાર જવાબ આપે છે. રાશિદ ખાન બાળકને કહે છે કે, જો બોલ તને આપી દીધી તો કોચ મારશે. રાશિદનો આ વીડિયો સોશિયલ મીડિયા પર ઘણો પસંદ કરવામાં આવી રહ્યો છે.
રાશિદ ખાને પોતાના ઈંસ્ટાગ્રામ પર આ વીડિયો શેર કરતાં લખ્યું કે, પ્રેક્ટિસ સેશનમાં અમારે વધુ બોલની જરુર પડશે. વીડિયો રાશિદ બોલે છે કે, છોકરો બોલ માંગી રહ્યો છે. અમે પહેલાંથી જ બોલની અછતનો સામનો કરી રહ્યા છીએ. તો બોલ કઈ રીતે આપી શકીએ. આ વીડિયોના બેકગ્રાઉન્ડમમાં રાશિદે દર્શન રાવલના ગીત કભી તુમ્હે યાદ મેરી આયે મુક્યું છે.
View this post on Instagram
રાશિદ ખાને વર્ષ 2017 થી IPL રમી રહ્યો છે. અત્યાર સુધી તેણે 88 IPL મેચમાં 108 વિકેટ લીધી છે. અહીં તેનો ઈકોનોમી રેટ પણ જબરદસ્ત છે. તે પ્રતિ ઓવર માત્ર 6.39 રનની એવરેજ આપી રહ્યો છે. રાશિદ વિશ્વભરની T20 ફ્રેન્ચાઇઝી લીગમાં રમે છે. તેણે દરેક લીગમાં પોતાની સફળતાનો ઝંડો લગાવ્યો છે. અત્યાર સુધીમાં તે 314 ટી20 મેચ રમી ચૂક્યો છે. જેમાં તેણે 17.5ની બોલિંગ એવરેજ સાથે 438 વિકેટ લીધી છે. આ દરમિયાન તેનો ઈકોનોમી રેટ પણ 6.32 રહ્યો છે. T20માં રાશિદની ચુસ્ત બોલિંગને કારણે તેને T20 સ્પેશિયાલિસ્ટ બોલર કહેવામાં આવે છે.
ટ્રેન્ડિંગ સમાચાર
ટોપ સ્ટોરી
