IPL 2023: 'આ માન્ચેસ્ટર યુનાઇટેડ અને લિવરપૂલની મેચ જેવી ', MI vs CSK મેચ અગાઉ મોઇન અલીનું નિવેદન
ચેન્નઈ ટીમના ઓલરાઉન્ડર મોઈન અલીએ પણ આ મોટી મેચને લઈને મહત્વપૂર્ણ નિવેદન આપ્યું છે.
Moeen Ali on MI vs CSK: આજે રાત્રે (8 એપ્રિલ) ઇન્ડિયન પ્રિમિયર લીગમાં મુંબઈ ઈન્ડિયન્સ અને ચેન્નઈ સુપર કિંગ્સ વચ્ચે ટક્કર છે. આ મેચ મુંબઈના વાનખેડે સ્ટેડિયમમાં રમાશે. આ બંને ટીમ IPL ઈતિહાસની સૌથી સફળ ટીમ છે. અત્યાર સુધીની 15 સીઝનમાં આ બંને ટીમો 9 વખત ચેમ્પિયન બની છે. મુંબઈ ઈન્ડિયન્સ 5 વખત વિજેતા રહી છે, જ્યારે ચેન્નઈએ 4 વખત ટાઇટલ જીત્યું છે. આવી સ્થિતિમાં આજે યોજાનારી આ મેચને IPLની આ સીઝનની સૌથી મોટી મેચ માનવામાં આવી રહી છે. ચેન્નઈ ટીમના ઓલરાઉન્ડર મોઈન અલીએ પણ આ મોટી મેચને લઈને મહત્વપૂર્ણ નિવેદન આપ્યું છે.
મોઈન અલીએ મેચ પહેલાની પ્રેસ કોન્ફરન્સમાં કહ્યું હતું કે મુંબઈ અને ચેન્નઈ વચ્ચેની આઈપીએલ મેચો ઈંગ્લિશ પ્રીમિયર લીગમાં માન્ચેસ્ટર યુનાઈટેડ અને લિવરપૂલ વચ્ચેની ટક્કર જેવી જ છે. મોઇને કહ્યું, 'આ એવી મેચ છે જેને લઇને હું ખૂબ જ ઉત્સાહિત છું. આ બંને ટીમો સૌથી સફળ ફ્રેન્ચાઈઝી રહી છે અને તેમની ફેન ફોલોઈંગ મોટી છે. આ બંને ટીમો વચ્ચેની મેચ આંતરરાષ્ટ્રીય ક્રિકેટ સિવાયની સૌથી મોટી મેચ છે.
મુંબઈ ઈન્ડિયન્સ અને ચેન્નઈ સુપર કિંગ્સ વચ્ચેની મેચને આઈપીએલની 'અલ ક્લાસિકો' તરીકે પણ ઓળખવામાં આવે છે. નોંધનીય છે કે જ્યારે પણ સ્પેનિશ ફૂટબોલ ક્લબ રિયલ મેડ્રિડ અને બાર્સેલોના વચ્ચે ટક્કર થાય છે, ત્યારે તે મેચને 'અલ ક્લાસિકો' કહેવામાં આવે છે. તેને ફૂટબોલ લીગની સૌથી મોટી મેચ માનવામાં આવે છે. કારણ કે આ બંને ક્લબની ગણના ફૂટબોલ જગતની સૌથી મોટી અને સફળ ક્લબોમાં થાય છે. આઈપીએલમાં મુંબઈ ઈન્ડિયન્સ અને ચેન્નઈ સુપર કિંગ્સ વચ્ચે કંઈક આવું જ છે.
ગત સીઝનમાં બંને ટીમ ફ્લોપ રહી હતી
IPLની આ બંને સૌથી સફળ ટીમો ગત સીઝનમાં સંપૂર્ણપણે ફ્લોપ રહી હતી. 10 ટીમોના પોઈન્ટ ટેબલમાં આ બંને ટીમો છેલ્લા બે સ્થાન પર હતી.
IPL Cheerleaders : IPLની એક ચિયરલીડર્સની આવક જાણી આંખો ફાટી જશે, મળે છે આ સુવિધા
IPL Cheerleaders Income: વિશ્વની સૌથી લોકપ્રિય ઈન્ડિયન પ્રીમિયર લીગની 16મી સીઝન શરૂ થઈ ગઈ છે. દરરોજ આ લીગમાં યુઝર્સની સંખ્યા વધી રહી છે. આઈપીએલથી લઈને પ્રખ્યાત ક્રિકેટરોથી લઈને ઉદ્યોગપતિઓ આ લીગ સાથે સ્પોન્સર તરીકે જોડાયેલા છે. આ સિવાય આઈપીએલની ભીડનું મનોરંજન કરનારા ચીયરલીડર્સ પણ છે. છેલ્લા કેટલાક સમયથી કોવિડના કારણે તેમની એન્ટ્રી બંધ હતી, પરંતુ આ વર્ષથી તેમની એન્ટ્રી ફરી કરવામાં આવી છે.
આઈપીએલમાં માત્ર ગણતરીના જ ચહેરાઓ ચીયરલીડર્સ તરીકે ભારતીય છે, જ્યારે મોટાભાગની ચીયરલીડર્સ વિદેશથી આવે છે. આ સ્થિતિમાં શું તમે જાણો છો કે તેમની આવક કેટલી છે? અને તેઓ મેચ અથવા સિઝન દરમિયાન કેટલી કમાણી કરે છે? ચાલો જાણીએ વિગતે.
IPL ચીયરલીડર્સ કેટલી કમાણી કરે છે?
મીડિયા સૂત્રોના જણાવ્યા અનુસાર, આઈપીએલ મેચ માટે ચીયરલીડર્સ 14,000 થી 17,000 રૂપિયા ચાર્જ કરે છે. CSK, પંજાબ, સનરાઇઝ હૈદરાબાદ, દિલ્હી કેપિટલ, ચીયરલીડર્સને મેચ દીઠ 12,000 રૂપિયા કરતાં વધુ પૈસા આપે છે. જ્યારે મુંબઈ અને RCB એક મેચ દીઠ 20,000 રૂપિયા ચૂકવે છે. સૌથી વધુ KKR ચીયરલીડર્સને મેચ દીઠ 24,000 રૂપિયા ચૂકવે છે
ટોપ સ્ટોરી
ટ્રેન્ડિંગ સમાચાર
