RCB vs DC Live Score: દિલ્હીએ RCBને 6 વિકેટથી હરાવ્યું, રાહુલ અને સ્ટબ્સની શાનદાર બેટિંગ
RCB vs DC Score Live Updates IPL 2025: IPL 2025ની ૨૪મી મેચમાં બે મજબૂત ટીમો સામસામે, પ્લેઈંગ ઈલેવન, હેડ ટુ હેડ રેકોર્ડ અને મેચના અપડેટ્સ જાણો.
Background
RCB vs DC Score Live Updates IPL 2025: IPL 2025ની ૨૪મી રોમાંચક મેચ આજે રોયલ ચેલેન્જર્સ બેંગ્લોર (RCB) અને દિલ્હી કેપિટલ્સ (DC) વચ્ચે રમાશે. આ મુકાબલો બે એવી ટીમો વચ્ચે છે જે આ સિઝનમાં અત્યાર સુધી શાનદાર પ્રદર્શન કરી ચૂકી છે, તેથી ક્રિકેટ ચાહકોને એક જોરદાર સ્પર્ધા જોવા મળશે તે નક્કી છે. અહીં અમે તમને આ મેચના લાઇવ સ્કોર અને મહત્વપૂર્ણ અપડેટ્સ જણાવીશું.
અક્ષર પટેલની આગેવાની હેઠળની દિલ્હી કેપિટલ્સની ટીમે આ સિઝનમાં અત્યાર સુધી અપેક્ષા કરતાં પણ સારું પ્રદર્શન કર્યું છે. દિલ્હીએ અત્યાર સુધીમાં ત્રણ મેચ રમી છે અને ત્રણેયમાં શાનદાર જીત મેળવી છે. બીજી તરફ, રજત પાટીદારની કપ્તાનીમાં રોયલ ચેલેન્જર્સ બેંગ્લોરનું પ્રદર્શન પણ ખૂબ સારું રહ્યું છે. આરસીબીએ ચાર મેચ રમી છે અને તેમાંથી ત્રણમાં વિજય મેળવ્યો છે. આ આંકડા દર્શાવે છે કે આજે બંને ટીમો વચ્ચે કાંટાની ટક્કર જોવા મળશે.
દિલ્હી કેપિટલ્સ માટે સારા સમાચાર એ છે કે તેમના અનુભવી ખેલાડી ફાફ ડુ પ્લેસિસ જે છેલ્લી મેચમાં રમી શક્યા નહોતા, તેઓ આજે પ્લેઈંગ ઈલેવનમાં પરત ફરી શકે છે. જો કે, ટી નટરાજનની ઉપલબ્ધતા અંગે હજુ સુધી કોઈ સત્તાવાર માહિતી મળી નથી, પરંતુ તેમણે નેટમાં સારો એવો પરસેવો પાડ્યો છે. જો ડુ પ્લેસિસ આજે મેદાનમાં ઉતરે છે, તો તે ઓપનિંગમાં આવી શકે છે. આ ઉપરાંત, કેએલ રાહુલ પણ દિલ્હી માટે મહત્વપૂર્ણ બેટ્સમેન સાબિત થઈ શકે છે.
રોયલ ચેલેન્જર્સ બેંગ્લોર આજે પોતાના હોમ ગ્રાઉન્ડ પર રમશે, જે તેમને ચોક્કસપણે ફાયદો અપાવી શકે છે. બેંગ્લોરે રજત પાટીદારની કપ્તાનીમાં અત્યાર સુધી ચાર મેચ રમી છે અને તેમાંથી ત્રણમાં જીત મેળવી છે, જ્યારે તેમને ગુજરાત ટાઇટન્સ સામે હારનો સામનો કરવો પડ્યો હતો. જો આપણે બંને ટીમોના હેડ ટુ હેડ આંકડા જોઈએ તો તેમાં બેંગ્લોર દિલ્હી પર ભારે પડે છે. બેંગ્લોરે દિલ્હી સામે અત્યાર સુધીમાં ૧૯ મેચ જીતી છે, જ્યારે દિલ્હી માત્ર ૧૧ મેચમાં જ વિજય મેળવી શક્યું છે. હવે ફરી એકવાર આ બંને ટીમો એકબીજા સામે મેદાનમાં ઉતરવા માટે તૈયાર છે.
આજના બેંગ્લોર-દિલ્હી મેચ માટે સંભવિત ખેલાડીઓ આ પ્રમાણે હોઈ શકે છે:
રોયલ ચેલેન્જર્સ બેંગ્લોર: વિરાટ કોહલી, ફિલ સોલ્ટ, દેવદત્ત પડિકલ, રજત પાટીદાર, લિયામ લિવિંગસ્ટોન, જીતેશ શર્મા, ટિમ ડેવિડ, કૃણાલ પંડ્યા, ભુવનેશ્વર કુમાર, જોશ હેઝલવુડ, યશ દયાલ, રસિક સલામ/સુયશ શર્મા
દિલ્હી કેપિટલ્સ: ફાફ ડુ પ્લેસિસ, જેક ફ્રેઝર-મેકગર્ક, અભિષેક પોરેલ, ટ્રિસ્ટન સ્ટબ્સ, કેએલ રાહુલ, અક્ષર પટેલ, આશુતોષ શર્મા, વિપરાજ નિગમ, મિશેલ સ્ટાર્ક, કુલદીપ યાદવ, મોહિત શર્મા/ટી નટરાજન, મુકેશ કુમાર
RCB VS DC Live Score: હોમ ગ્રાઉન્ડ પર દિલ્હી કેપિટલ્સે RCBને ૬ વિકેટે ધૂળ ચટાડી
દિલ્હી કેપિટલ્સે બેંગ્લોરના એમ. ચિન્નાસ્વામી સ્ટેડિયમ ખાતે રમાયેલી મેચમાં રોયલ ચેલેન્જર્સ બેંગ્લોર (RCB)ને ૧૩ બોલ બાકી રહેતા ૬ વિકેટે પરાજય આપ્યો હતો. આ જીત સાથે દિલ્હી કેપિટલ્સે આ સિઝનમાં પોતાનો અજેય સિલસિલો જાળવી રાખ્યો છે અને આ તેમનો સતત ચોથો વિજય છે.
કેએલ રાહુલે શાનદાર બેટિંગ કરતાં ૫૩ બોલમાં ૭ ચોગ્ગા અને ૬ છગ્ગાની મદદથી અણનમ ૯૩ રન બનાવ્યા હતા અને ટીમને વિજય અપાવ્યો હતો. ટ્રિસ્ટન સ્ટબ્સે પણ ૨૩ બોલમાં ૩૮ રનની મહત્વપૂર્ણ ઇનિંગ રમીને રાહુલને સારો સાથ આપ્યો હતો. બંને ખેલાડીઓ વચ્ચે ૫૫ બોલમાં ૧૧૧ રનની મેચ વિનિંગ ભાગીદારી નોંધાઈ હતી.
આરસીબી તરફથી ભુવનેશ્વર કુમારે ૨૬ રન આપીને બે વિકેટ ઝડપી હતી, પરંતુ તે ટીમને હારથી બચાવી શક્યા નહોતા. પ્રથમ બેટિંગ કરતા આરસીબીએ ફિલિપ સોલ્ટ અને ટિમ ડેવિડના ૩૭-૩૭ રનના યોગદાનની મદદથી ૨૦ ઓવરમાં ૧૬૩ રન બનાવ્યા હતા. દિલ્હીના બોલરોમાં કુલદીપ યાદવ અને વિપરાજ નિગમે બે-બે વિકેટ લીધી હતી. કેએલ રાહુલને તેની શાનદાર બેટિંગ બદલ મેન ઓફ ધ મેચ જાહેર કરવામાં આવ્યો હતો.
RCB VS DC Live Score: દિલ્હી કેપિટલ્સ જીતની નજીક છે
દિલ્હી કેપિટલ્સને હવે માત્ર 18 બોલમાં 18 રનની જરૂર છે. કેએલ રાહુલ 49 બોલમાં 76 રન બનાવીને રમી રહ્યો છે. ટ્રિસ્ટન સ્ટબ્સ 22 બોલમાં 37 રન બનાવીને રમતમાં છે. દિલ્હીનો સ્કોર 17 ઓવરમાં ચાર વિકેટે 146 રન છે.
ટોપ સ્ટોરી
ટ્રેન્ડિંગ સમાચાર
