Shubman Gill IPL 2023: શુભમન ગિલના ફોર્મે વધારી ધોનીની ચિંતા, શું ફાઇનલમાં તૂટશે વિરાટ કોહલીનો રેકોર્ડ?
ગુજરાત ટાઇટન્સના ઓપનર શુભમન ગિલે ઇન્ડિયન પ્રીમિયર લીગ (IPL) 2023માં શાનદાર પ્રદર્શન કર્યું છે
ગુજરાત ટાઇટન્સના ઓપનર શુભમન ગિલે ઇન્ડિયન પ્રીમિયર લીગ (IPL) 2023માં શાનદાર પ્રદર્શન કર્યું છે. ગિલે ક્વોલિફાયર-2 મેચમાં મુંબઈ ઈન્ડિયન્સ વિરુદ્ધ 129 રનની ઈનિંગ રમી હતી. તેની શાનદાર ઇનિંગ્સના કારણે ગુજરાત ટાઇટન્સ સતત બીજી વખત ફાઇનલમાં પહોંચી છે. હવે 28 મે (રવિવાર)ના રોજ અમદાવાદના નરેન્દ્ર મોદી સ્ટેડિયમમાં યોજાનારી ફાઇનલ મેચમાં ડિફેન્ડિંગ ચેમ્પિયન ગુજરાત ટાઇટન્સનો મુકાબલો ચાર વખતની વિજેતા ચેન્નઇ સુપર કિંગ્સ સામે થશે. શુભમન ગિલે IPL 2023માં અત્યાર સુધીમાં ત્રણ સદી ફટકારી છે. તે જે રીતે બેટિંગ કરી રહ્યો છે તેણે CSKના કેપ્ટન એમએસ ધોનીનું પણ ટેન્શન વધાર્યું હશે. આવી સ્થિતિમાં ધોની ઇચ્છશે કે તેના બોલરો શુભમન ગિલને જલદી આઉટ કરે. જો ધોનીની ટીમ પાવર પ્લેમાં ગિલને આઉટ નહીં કરી શકે તો તે CSK માટે સૌથી મોટો ખતરો સાબિત થશે.
We are still not over Gill's batting masterclass from last night 🙌
— IndianPremierLeague (@IPL) May 27, 2023
He Visualised it even before it's execution 😎#TATAIPL | #Qualifier2 | #GTvMI | @ShubmanGill pic.twitter.com/AmpTixDw2x
શું ગિલ કોહલીનો રેકોર્ડ તોડી શકશે?
23 વર્ષીય શુભમન ગિલ IPLની એક સીઝનમાં 800થી વધુ રન બનાવનાર ત્રીજો ખેલાડી છે. એક સીઝનમાં સૌથી વધુ રન ફટકારવા મામલે માત્ર જોસ બટલર અને વિરાટ કોહલી જ ગિલ કરતા આગળ છે. ગિલ અંતિમ મેચમાં બટલર અને કોહલીને પાછળ છોડી શકે છે. ગિલને બટલરને પાછળ છોડવા 13 રનની જરૂર છે, જ્યારે કોહલીનો રેકોર્ડ તોડવા માટે તેને 123 રનની જરૂર પડશે. શુભમન ગિલે વર્તમાન સીઝનમાં 16 મેચમાં 60.78ની એવરેજથી 851 રન બનાવ્યા છે. આ દરમિયાન ગિલે ત્રણ સદી અને ચાર અડધી સદી ફટકારી છે. એક સિઝનમાં સૌથી વધુ રન બનાવવાના મામલે વિરાટ કોહલી 973 રન સાથે ટોપ પર છે. તેણે 2016ની સીઝનમાં આ રન બનાવ્યા હતા. હાલમાં બીજા નંબર પર રહેલ બટલરે ગત સીઝનમાં 863 રન બનાવ્યા હતા. આઇપીએલ પ્લેઓફમાં સદી ફટકારનાર ગિલ એકંદરે સાતમો અને સૌથી યુવા ખેલાડી છે. ગિલે 23 વર્ષ અને 260 દિવસની ઉંમરમાં આ સદી ફટકારી હતી.
IPL 2023: સુનીલ ગાવસ્કરે કહ્યું- 'ગુજરાત ટાઈટન્સ શાનદાર ટીમ છે, પરંતુ CSK જીતે', જણાવ્યું કારણ
Sunil Gavaskar Reaction On CSK vs GT Final: ચેન્નાઈ સુપર કિંગ્સ અને ગુજરાત ટાઈટન્સની ટીમ રવિવારે IPL 2023 ટાઈટલ મેચમાં આમને-સામને હશે. જો કે આ મેચ પહેલા પૂર્વ ભારતીય ખેલાડી સુનીલ ગાવસ્કરે જણાવ્યું હતું કે તેઓ કઈ ટીમને ચેમ્પિયન બનતા જોવા માંગે છે. લિટલ માસ્ટર તરીકે જાણીતા સુનીલ ગાવસ્કરે કહ્યું કે ગુજરાત ટાઇટન્સ એક શાનદાર ટીમ છે, પરંતુ મારું દિલ ઇચ્છે છે કે ચેન્નાઇ સુપર કિંગ્સ ચેમ્પિયન બને. તેમણે કહ્યું કે ચેન્નાઈ સુપર કિંગ્સ પોતાના કેપ્ટન મહેન્દ્ર સિંહ ધોની માટે ખિતાબ જીતે. સાથે તેણે કહ્યું કે મુંબઈ ઈન્ડિયન્સ મારી ફેવરિટ ટીમ છે, પરંતુ ચેન્નાઈ સુપર કિંગ્સ મારી બીજી ફેવરિટ ટીમ છે.
હું ઈચ્છું છું કે મહેન્દ્ર સિંહ ધોની એકવાર IPL ટ્રોફી ઉપાડે - સુનીલ ગાવસ્કર
સુનીલ ગાવસ્કરે કહ્યું કે ચેન્નાઈ સુપર કિંગ્સ હંમેશા મારી બીજી ફેવરિટ ટીમ રહી છે, પરંતુ મારી સૌથી ફેવરિટ ટીમ મુંબઈ ઈન્ડિયન્સ છે. જોકે, મારું દિલ ઇચ્છે છે કે ચેન્નાઇ સુપર કિંગ્સ IPL 2023ની ફાઇનલ મેચ જીતે. હું ઈચ્છું છું કે મહેન્દ્ર સિંહ ધોની એકવાર IPL ટ્રોફી ઉપાડે. તેમણે કહ્યું કે જો આવું થાય તો મને ગમશે. આ સાથે જ તેમણે કહ્યું કે મહેન્દ્ર સિંહ ધોનીએ એકવાર સાબિત કર્યું કે તમે ઠંડા સ્વભાવ અને શાંત મનથી નિર્ણય લઈને સફળ થઈ શકો છો
ટ્રેન્ડિંગ સમાચાર
ટોપ સ્ટોરી
