PCBથી નારાજ આ ક્રિકેટર લઈ શકે છે નિવૃત્તિ, જાણો શું છે મામલો

હફીઝ સતત પીસીબીના ટોપ કેટેગરીમાં હતો પરંતુ સોમવારે જાહેર કરવામાં આવેલા નવા કોન્ટ્રાક્ટમાં તેના બદલે બાબર આઝમને સ્થાન આપવામાં આવ્યું છે. પીસીબીએ ખેલાડીઓ સાથે ત્રણ વર્ષનો નવો કોન્ટ્રાક્ટ કર્યો છે. જે મુજબ ખેલાડીઓની આવક 25થી 30 ટકા વધી શકે છે.

લાહોરઃ પાકિસ્તાન ક્રિકેટ બોર્ડના નવા કોન્ટ્રાક્ટથી એક તરફ જ્યાં ખેલાડીઓને ચાંદી થવાની છે ત્યાં બીજી તરફ મોહમ્મદ હફીઝ જેવા ખેલાડી કોન્ટ્રાક્ટથી નારાજ થઈને નિવૃત્તિની જાહેરાત કરી શકે છે. પાકિસ્તાની મીડિયાના અહેવાલ મુજબ પાકિસ્તાન ક્રિકેટ બોર્ડ(PCB)ના નવા કોન્ટ્રાક્ટમાં હફીઝને A કેટેગરીમાંથી હટાવીને B કેટેગરીમાં નાંખી દેવામાં આવ્યો છે. પીસીબી દ્વારા કરવામાં આવેલા ડિમોશનથી નારાજ હફીઝ હવે નિવૃત્તિ અંગે વિચારી રહ્યો છે.