બાઈક રેસિંગની Moto GPમાં ડેબ્યુ કરશે ભારત, 2023માં થશે Bharat Grand Prixનું આયોજન

MotoGP India Debut: ભારત ગ્રેટર નોઈડામાં બુદ્ધ ઈન્ટરનેશનલ સર્કિટ ખાતે આવતા વર્ષે પ્રથમ મોટો ગ્રાન્ડ પ્રી વર્લ્ડ ચેમ્પિયનશિપ રેસનું આયોજન કરશે, જેને 'ભારતની ગ્રાન્ડ પ્રિકસ' નામ આપવામાં આવ્યું છે.

ફાઈલ ફોટો

Bharat Grand Prix 2023 Moto GP: ભારત ગ્રેટર નોઈડામાં બુદ્ધ ઈન્ટરનેશનલ સર્કિટ ખાતે આવતા વર્ષે પ્રથમ મોટો ગ્રાન્ડ પ્રી વર્લ્ડ ચેમ્પિયનશિપ રેસનું આયોજન કરશે, જેને 'ભારતની ગ્રાન્ડ પ્રિકસ' નામ આપવામાં આવ્યું છે. મોટો ગ્રાન્ડ પ્રિકસ અને નોઈડા સ્થિત રેસ પ્રમોટર ફેરસ્ટ્રીટ સ્પોર્ટ્સના વ્યાપારી અધિકારોના માલિક ડોર્નાએ બુધવારે ભારતમાં આગામી સાત વર્ષ માટે પ્રીમિયર ટુ-વ્હીલર રેસિંગ ઈવેન્ટનું આયોજન કરવા માટે સમજૂતી કરાર (એમઓયુ) પર હસ્તાક્ષર કર્યા છે.

આ સ્પર્ધામાં 19 દેશોના સ્પર્ધકો ભાગ લેશે, જેનાથી રોજગાર ઉપરાંત દેશમાં પ્રવાસન અને વ્યવસાયને વેગ મળશે. ટૂર્નામેન્ટના પ્રમોટરે એક અખબારી યાદીમાં આ જાણકારી આપી છે. તેમાં કહેવામાં આવ્યું છે કે, "મોટો ગ્રાન્ડ પ્રિકસ 'મોટો ઇ' લોન્ચ કરવાની પણ યોજના ધરાવે છે જે માત્ર એશિયામાં પ્રથમ જ નહીં પરંતુ કુલ 'ઝીરો કાર્બન ઉત્સર્જન' સાથેની પ્રથમ ગ્રીન પહેલ પણ હશે.

બુદ્ધ ઇન્ટરનેશનલ સર્કિટ મોટો ગ્રાન્ડ પ્રિકસ રેસનું આયોજન કરશે જ્યાં ફોર્મ્યુલા વન ઇન્ડિયન ગ્રાન્ડ પ્રિકસ 2011 થી 2013 દરમિયાન યોજવામાં આવી હતી પરંતુ નાણાકીય, આવકવેરા અને અમલદારશાહી અવરોધોને કારણે તેને રદ કરવામાં આવી હતી.

ઉત્તર પ્રદેશના ગ્રેટર નોઈડામાં યોજાનારી મોટો ગ્રાન્ડ પ્રિકસ અંગે મુખ્યમંત્રી યોગી આદિત્યનાથે કહ્યું છે કે, ઉત્તર પ્રદેશ માટે આ ગર્વની વાત છે. આનાથી યુપીમાં પ્રવાસન ક્ષેત્રને વેગ મળશે. આ સાથે યુપીને વૈશ્વિક પ્લેટફોર્મ પણ મળશે.

નોંધનીય છે કે મોટો જીપી વર્લ્ડ ચેમ્પિયનશિપ 2021માં યામાહા મોટો જીપી ટીમનો ફેબિયો ક્વાટારો ચેમ્પિયન બન્યો હતો. ડુકાટી ટીમનો ફ્રાન્સિસ્કો બગનાયા બીજા ક્રમે રહ્યો હતો. જ્યારે જોન મીર ત્રીજા સ્થાને રહ્યો હતો. તે પહેલા પણ ચેમ્પિયન રહી ચૂક્યો છે.

આ પણ વાંચો....