US Open 2022: US ઓપનમાં નહી જોવા મળે નોવાક જોકોવિચ, કોરોનાની રસીનો વિરોધ કરવો મોંઘો પડ્યો
સર્બિયાનો દિગ્ગજ ટેનિસ પ્લેયર નોવાક જોકોવિચ યુએસ ઓપનમાં રમતો નહી જોવા મળે. જોકોવિચે ન્યૂયોર્કમાં યોજાનારી યુએસ ઓપનમાંથી પોતાનું નામ પાછું ખેંચી લીધું છે.
US Open 2022: સર્બિયાનો દિગ્ગજ ટેનિસ પ્લેયર નોવાક જોકોવિચ યુએસ ઓપનમાં રમતો નહી જોવા મળે. અમેરિકામાં વિદેશી નાગરિકો માટે કોરોનાની રસી સંબંધિત નવી ગાઈડલાઈન જાહેર કરવામાં આવી હતી. જે બાદ નોવાક જોકોવિચે ન્યૂયોર્કમાં યોજાનારી યુએસ ઓપનમાંથી પોતાનું નામ પાછું ખેંચી લીધું છે. જોકોવિચ લાંબા સમયથી કોરોના વેક્સીનનો વિરોધ કરી રહ્યો છે, ઘણા દિગ્ગજ ખેલાડીઓએ પણ તેના વિરોધનું સમર્થન કર્યું છે.
જોકોવિચે ટ્વીટ કરીને માહિતી આપીઃ
જોકોવિચે તેના ટ્વિટર હેન્ડલ પરથી યુએસ ઓપનમાંથી બહાર થવાની માહિતી આપી હતી, તેણે કહ્યું હતું કે, દુઃખની વાત છે કે હું આ વખતે યુએસ ઓપન માટે ન્યૂયોર્ક જઈ શકીશ નહીં. તમારા પ્રેમ અને સમર્થનના મેસેજ માટે #NoleFam નો આભાર. તમામ ખેલાડીઓને શુભકામનાઓ. હું સારી સ્થિતિમાં અને સકારાત્મક ભાવનામાં રહીશ અને ફરીથી સ્પર્ધા કરવાની તકની રાહ જોઈશ. ટૂંક સમયમાં મળીશું ટેનિસ વર્લ્ડ.
Sadly, I will not be able to travel to NY this time for US Open. Thank you #NoleFam for your messages of love and support. ❤️ Good luck to my fellow players! I’ll keep in good shape and positive spirit and wait for an opportunity to compete again. 💪🏼 See you soon tennis world! 👋🏼
— Novak Djokovic (@DjokerNole) August 25, 2022
નવી માર્ગદર્શિકાને કારણે નામ પાછું ખેંચ્યુંઃ
નોવાક જોકોવિચ યુએસ ઓપનમાંથી ખસી ગયો છે. સર્બિયાના સ્ટાર ખેલાડી અને 21 વખતના ગ્રાન્ડ સ્લેમ ચેમ્પિયન જોકોવિચને આશા હતી કે અમેરિકામાં CDC વિદેશી પ્રવાસીઓ માટે કોવિડની રસી સંબંધિત નવી માર્ગદર્શિકા બહાર પાડશે, જેના હેઠળ કોવિડ રસી લેવી ફરજિયાત નહીં હોય. સીડીસીએ યુએસ નાગરિકો માટે આ માર્ગદર્શિકા દૂર કરી છે. આવી સ્થિતિમાં જોકોવિચે આશા વ્યક્ત કરી હતી કે વિદેશી પ્રવાસીઓ માટે પણ આ નિયમ બદલાશે. જેની મદદથી તે યુએસ ઓપનમાં ભાગ લઈ શકશે પરંતુ તેમ થયું નહીં.
જોકોવિચ કરી રહ્યો છે કોવિડ-19 રસીકરણનો વિરોધઃ
જોકોવિચ કોરોના રસીકરણને વ્યક્તિગત સ્વતંત્રતા સાથે સરખાવે છે. જોકોવિચના મતે, રસી લેવી કે નહીં તેનો નિર્ણય વ્યક્તિનો પોતાનો હોવો જોઈએ. આ નિર્ણય સરકારો દ્વારા દબાણ ન કરવો જોઈએ. પોતાના આ વિચાર પર અડગ રહીને, જોકોવિચે હજુ સુધી કોરોનાની રસી નથી લીધી. વેક્સીન અંગેના તેના વલણને કારણે જ્યારે તે જાન્યુઆરીમાં ઓસ્ટ્રેલિયન ઓપનમાં ભાગ લેવા મેલબોર્ન પહોંચ્યો ત્યારે તેને એરપોર્ટ પર જ અટકાવાયો હતો. પછી તેને ઓસ્ટ્રેલિયાની બહાર મોકલી દેવામાં આવ્યો હતો.
ટોપ સ્ટોરી
ટ્રેન્ડિંગ સમાચાર
