ધોની અને સાક્ષીને મેળવવામાં આ ક્રિકેટરનો હતો મોટો હાથ, હવે થયો ખુલાસો

આ વાત ભાગ્યે જ કોઈને ખબર હશે કે ધોની અને સાક્ષીની લવ સ્ટોરીમાં એક ક્રિકેટરની ભૂમિકા પણ રહી છે પરંતુ સાક્ષીએ હવે આ વાતનો ખુલાસો કર્યો છે. આ ખેલાડી બીજું કોઈ નહીં પરંતુ ટીમ ઇન્ડિયાના ખેલાડી રોબિન ઉથપ્પા છે. રોબિન ઉથપ્પાની સાથે તસવીર ક્લિક કરાવતા સાક્ષીએ લખ્યું કે, ‘આ વ્યક્તિનો આભાર, તેા કારણે જ આજે હું અને ધોની સાથે છીએ. રોબિન અને શીતલ તમને મળીને સારું લાગ્યું. પાર્ટીમાં આવવા માટે આભાર.

નવી દિલ્હીઃ હાલમાં સાક્ષી ધોનીઓ પોતાનો 30મો જન્મદિવસ ઉજવ્યો છે. ટીમ ઇન્ડિયાના પૂર્વ કેપ્ટન મહેન્દ્ર સિંહ દોની અને સાક્ષી ધોનીની જોડી ક્રિકેટ જગતમાં સૌથી સુંદર જોડી તરીકે જોવામાં આવે છે. એવામાં આ જોડીની લવ સ્ટોરીમાં લોકો ખૂબ રસ લે છે. જ્યારે સાક્ષીએ હવે એ વ્યક્તિનો ખુલાસો કર્યો છે જેણે તેને અને ધોનીને મેળવ્યા હતા.