Wrestlers Protest: સગીરાએ નિવેદન બદલ્યા બાદ વિનેશ ફોગાટનું છલકાયું દર્દ, કહ્યું- 'યે બેટિયાં એક એક કરકે હિમંત ન હાર જાએ’

Wrestlers Protest Today: બ્રિજ ભૂષણ સામે ફરિયાદ કરનાર મહિલા કુસ્તીબાજોમાં એકમાત્ર સગીરાએ પોતાનું નિવેદન બદલ્યું છે. તેના પિતાએ આ અંગે માહિતી આપી છે.

Vinesh Phogat

Wrestlers Protest: રેસલિંગ ફેડરેશન ઓફ ઈન્ડિયાના પ્રમુખ બ્રિજભૂષણ શરણ સિંહ વિરુદ્ધ જાતીય સતામણીના કેસમાં એક રસપ્રદ ટ્વિસ્ટ આવ્યો છે. સગીર ફરિયાદીએ બ્રિજ ભૂષણ સામે પોતાનું નિવેદન બદલી નાખ્યું છે. સમાચાર એજન્સીએ આ વાતની પુષ્ટિ કરી છે. આ અહેવાલ બાદ બ્રિજ ભૂષણ સિંહ વિરુદ્ધ આંદોલનનું નેતૃત્વ કરી રહેલી વિનેશ ફોગાટે મોટું નિવેદન આપ્યું છે. તેણે કહ્યું છે કે દીકરીઓએ હિંમત ન હારવી જોઈએ.

રેસલર વિનેશ ફોગટે ટ્વીટ કરીને લખ્યું, શું ન્યાયની આ લડાઈમાં વિલંબને કારણે આ દીકરીઓએ એક પછી એક હિંમત ન હારવી જોઈએ? ભગવાન બધાને હિંમત આપે. આ પહેલા વિનેશ ફોગાટે આ મામલાને લગતું વધુ એક ટ્વિટ કર્યું હતું, જેમાં લખ્યું હતું કે, 'શું ડરના વાતાવરણમાં દીકરીઓને ન્યાય મળશે?'

સગીરના પિતાએ માહિતી આપી હતી.

ન્યૂઝ એજન્સી પીટીઆઈ સાથે વાત કરતા સગીર કુસ્તીબાજના પિતાએ કહ્યું કે તેણે રેસલિંગ ફેડરેશન ઓફ ઈન્ડિયાના આઉટગોઇંગ પ્રેસિડેન્ટ બ્રિજ ભૂષણ શરણ સિંહ સામે જાતીય સતામણીની ખોટી ફરિયાદ નોંધાવી છે. સગીર બાળકીના પિતાએ કહ્યું, હવે હું ભૂલ સુધારવા માંગુ છું. તે ઈચ્છે છે કે સત્ય કોર્ટમાં નહીં પણ અત્યારે બહાર આવે.

પિતાએ કહ્યું કે બ્રિજ ભૂષણ વિરુદ્ધ ફરિયાદ નોંધાવવાનો નિર્ણય તેનો પોતાનો હતો મારી દીકરીનો નહોતો. તેમણે વધુમાં કહ્યું કે આ નિર્ણય મારો હતો હું પિતા છું અને હું તેનાથી નારાજ હતો. મે કહ્યું કે દીકરી આવી બધી વાતો થઈ રહી છે તો તેણે કહ્યું કે પાપા તમે જોઈ લો.

બ્રિજ ભૂષણ સિંહે નિવેદન આપ્યું હતું

સગીરનું નિવેદન બદલવા અંગે એબીપી ન્યૂઝ સાથે વાત કરતાં તેમણે કહ્યું કે 15 તારીખ આવવા દો. હાલ તપાસ ચાલી રહી છે, તેથી મારા માટે કંઈ કહેવું યોગ્ય રહેશે નહીં. હું શરૂઆતથી જ મારા શબ્દો પર અડગ રહ્યો. પિતાએ નિવેદન પાછું લીધું એ તેમનો પોતાનો નિર્ણય છે.

દબાણના મુદ્દાને નકારી કાઢતા બ્રિજ ભૂષણે કહ્યું કે તેમની તરફથી કોઈ દબાણ થયું નથી. તેમણે કહ્યું કે હું 15મી (જૂન) પછી જ આ અંગે વધુ વાત કરવા માંગુ છું. તમે પણ 15મીની રાહ જુઓ, અમે પણ જોઈશું. તમને જણાવી દઈએ કે કુસ્તીબાજો અને સરકાર વચ્ચેની વાતચીત દરમિયાન ખેલ મંત્રીએ કુસ્તીબાજોને 15 જૂન પહેલા તપાસ પૂર્ણ કરવાનો વાયદો કર્યો હતો.