સુરતઃ માતાએ ફ્લેટ વેચી દીકરાને બિઝનેસ કરવા 27 લાખ આપ્યા, દીકરાએ મુંબઈની ગર્લફ્રેન્ડને બધા રૂપિયા આપી દીધા

સુરતઃ પ્રેમ આંધળો હોય છે એ વાતની સાક્ષી પુરતી વધુ એક ઘટના સુરતમાં બની છે. એક યુવકે પોતાની પાસે રહેલા 27 લાખ રૂપિયા તેની ગર્લફ્રેન્ડને આપી દીધા હતા. આ રૂપિયા યુવકની માતાએ મકાન વેચીને બચાવ્યા હતા. તે સિવાય યુવકે પોતાની પાસે બચાવી રાખેલા બે લાખ રૂપિયાનો પણ સમાવેશ થાય છે. પુત્રએ પોતાની પ્રેમિકાના બેંક એકાઉન્ટમાં જમા કરાવી છેતરપિંડી કરી હોવાની ફરિયાદ વિધવા વૃદ્ધાએ ઉમરા પોલીસ મથકમાં નોંધાવી છે.

જીતેન્દ્ર રીમા પાછળ એટલી હદે પાગલ હતો કે માતાની મરણમૂડી સમાન 25 લાખ રૂપિયા તેણે માતાની જાણ બહાર જ તેની પ્રેમિકા રીમાને આપી દીધા હતા. પોલીસે જીતેન્દ્ર અને રીમાને પકડવાની કામગીરી હાથ ધરી છે.જોકે, આ સમગ્ર ઘટનામાં હકીકત શું છે તે તો જીતેન્દ્ર અને રીમા ઝડપાયા બાદ જાણ થશે.