5G-6G છોડો.... ચીને 10G સ્ટાન્ડર્ડ હાઇ-સ્પીડ બ્રોડબેન્ડ નેટવર્ક લોન્ચ કર્યું, ડાઉનલોડ સ્પીડ ૯૮૦૦ Mbpsને પાર

Huawei અને China Unicomનો સંયુક્ત પ્રોજેક્ટ, ૫૦G PON ટેકનોલોજી પર આધારિત, ૮K વિડિઓ અને ક્લાઉડ સેવાઓ માટે નવા દ્વાર ખુલ્યા.

ચીને 10જીની સ્પેટ નેટવર્ક લોન્ચ કર્યું

Source : freepik

China 10G internet speed: ટેકનોલોજીના ક્ષેત્રમાં ચીન સતત નવા શિખરો સર કરી રહ્યું છે. તાજેતરમાં Huawei અને China Unicom દ્વારા મળીને Hebei પ્રાંતના Xiong'an New Areaમાં ચીનનું પ્રથમ ૧૦G સ્ટાન્ડર્ડ બ્રોડબેન્ડ નેટવર્ક લોન્ચ (10G broadband China 9800 Mbps) કરવામાં આવ્યું છે. News.Az દ્વારા UNNને ટાંકીને આપવામાં આવેલા અહેવાલ મુજબ, આ નેટવર્કે ૯,૮૦૦ Mbpsથી વધુની ઝડપ હાંસલ કરીને સૌને પ્રભાવિત કર્યા છે.

નોંધનીય છે કે Xiong'an New Area બેઇજિંગની નજીક સ્થિત છે અને તેને ચીનના મુખ્ય ટેકનોલોજી હબ પૈકી એક ગણવામાં આવે છે. આ નવું નેટવર્ક વિશ્વના પ્રથમ ૫૦G PON સોલ્યુશન પર આધારિત છે, (China high-speed internet 2025) જે અત્યંત ઉચ્ચ ઝડપ અને ક્ષમતા પૂરી પાડે છે.

આ નેટવર્કની ખાસિયત જણાવતા કહેવામાં આવ્યું છે કે, "ફાઇબર-ઓપ્ટિક એક્સેસ નેટવર્કના મૂળભૂત આર્કિટેક્ચરમાં અપગ્રેડ કરવા બદલ, એક વપરાશકર્તાની બેન્ડવિડ્થ પરંપરાગત ગીગાબીટ સ્તરથી વધીને ૧૦G સ્તર સુધી પહોંચી છે, અને નેટવર્ક લેટન્સી ઘટીને મિલીસેકન્ડ સ્તરે આવી ગઈ છે." આનાથી ઇન્ટરનેટ વપરાશનો અનુભવ સંપૂર્ણપણે બદલાઈ જશે.

પ્રકાશિત માહિતી અનુસાર, નેટવર્ક પર વાસ્તવિક ડાઉનલોડ સ્પીડ ૯૮૩૪ Mbps સુધી પહોંચી હતી, (9800 Mbps broadband speed) અને અપલોડ સ્પીડ ૧૦૦૮ Mbps રહી હતી. આ વર્તમાન હોમ બ્રોડબેન્ડ ધોરણો કરતાં અનેક ગણી વધારે છે અને ઉચ્ચ લોડ ધરાવતી ટેકનોલોજી, જેમ કે ૮K વિડિઓ સ્ટ્રીમિંગ, ક્લાઉડ સેવાઓ, તેમજ વર્ચ્યુઅલ અને ઓગમેન્ટેડ રિયાલિટીના ઉપયોગ માટે નવી શક્યતાઓ ખોલે છે.

China launches world's first public 10G speeds downloading 2-hour films in SECONDS pic.twitter.com/HSKyQW9Ey4

— RT (@RT_com) April 20, 2025

માયડ્રાઇવર્સ અનુસાર, ચીન નેક્સ્ટ જનરેશન નેટવર્ક્સના વિકાસ અને જમાવટમાં સતત આગળ વધી રહ્યું છે. જાન્યુઆરી ૨૦૨૫ સુધીમાં, દેશમાં ૪.૨૫ મિલિયન ૫G બેઝ સ્ટેશન કાર્યરત હતા, જે વિશ્વના કોઈપણ અન્ય દેશ કરતાં વધુ છે. આ આંકડો ચીનની ટેકનોલોજી ક્ષેત્રે પ્રગતિ દર્શાવે છે.

આ ઉપરાંત, ચાંગ ગુઆંગ સેટેલાઇટ ટેકનોલોજીએ સેટેલાઇટથી પૃથ્વી પર લેસર કમ્યુનિકેશન દ્વારા ૧૦૦ Gbit/s ની ડેટા ટ્રાન્સમિશન ઝડપ હાંસલ કરીને એક નવો રેકોર્ડ બનાવ્યો છે. (China internet upgrade 10G) આ ઝડપ અગાઉના રેકોર્ડ કરતાં ૧૦ ગણી વધારે છે અને સ્ટારલિંક જેવી સિસ્ટમની ક્ષમતાઓને પણ વટાવી જાય છે. આ વિકાસ ભવિષ્યના સેટેલાઇટ કમ્યુનિકેશન માટે ખૂબ જ મહત્વપૂર્ણ છે.