Twitter: એલોન મસ્કની મોટું એલાન, ટ્વિટર પર પ્રતિ મિનિટ યુઝર્સની સંખ્યા 8 અબજને પાર

Twitter Users: ટ્વિટરના સીઈઓ એલોન મસ્કે માઇક્રોબ્લોગિંગ સાઈટને લઈને મોટી જાહેરાત કરી છે. તેમણે કહ્યું કે સોશિયલ મીડિયા પ્લેટફોર્મ પર યુઝર્સની સંખ્યામાં જબરદસ્ત વધારો થયો છે.

ફાઇલ તસવીર

Twitter News: ઑક્ટોબર 2022માં એલોન મસ્કે ટ્વિટરને ટેકઓવર કર્યું ત્યારથી તેણે આ માઇક્રોબ્લોગિંગ સાઇટ પર ઘણા મોટા ફેરફારો કર્યા છે. હવે તેની અસર જોવા મળી રહી છે. ટ્વિટરના સીઈઓ એલોન મસ્કએ જણાવ્યું કે માઇક્રોબ્લોગિંગ પ્લેટફોર્મ પર પ્રતિ મિનિટ યુઝર્સની સંખ્યા 8 અબજને પાર કરી ગઈ છે. ટ્વીટમાં આ વિશે માહિતી આપતાં તેમણે કહ્યું, 'આ પ્લેટફોર્મ ખૂબ જ ઝડપથી વધી રહ્યું છે! તાજેતરમાં પ્લેટફોર્મ પર પ્રતિ મિનિટ યુઝર્સની સંખ્યા 8 અબજને પાર થઈ ગઈ છે. આ દુનિયાના સૌથી હોશિયાર લોકો છે.

ટ્વિટરની આવક વધારવા પર ફોકસ છે
નોંધપાત્ર રીતે ટ્વિટર ટેકઓવર પછી એલોન મસ્ક પ્લેટફોર્મમાં યુઝર્સની સંખ્યા અને આવક વધારવા પર ધ્યાન કેન્દ્રિત કરી રહ્યા છે. આ માટે તેમણે ટ્વિટર પર ઘણા નવા ફીચર્સ પણ એડ કર્યા છે. અગાઉ, મસ્કે જણાવ્યું હતું કે ટ્વિટરની મેસેજિંગ સર્વિસનો હિસ્સો 5થી 6 ટકા પ્રતિ મિનિટ છે. જેને હવે વધારીને 15 ટકા કરવાનો પ્રયાસ કરવામાં આવી રહ્યો છે. આ માટે જાહેરાતનું યોગ્ય આયોજન કરવામાં આવશે જેથી પ્લેટફોર્મ અને યુઝર્સ બંનેને ફાયદો થાય.

ટ્વિટર પર AIનો ઉપયોગ કરવામાં આવશે
અગાઉ એલોન મસ્ક જાહેરાત કરી ચૂક્યા છે કે AIનો ઉપયોગ Twitter પર કન્ટેન્ટ મોડેશનમાં સ્ટાફની અછતને પહોંચી વળવા અને લોકોના અભિપ્રાયની હેરફેરને શોધવા માટે કરવામાં આવશે. જ્યારથી મસ્ક ટ્વિટરના માલિક બન્યા છે, ત્યારથી કંપનીમાં છટણીના ઘણા રાઉન્ડ થયા છે. આવી સ્થિતિમાં પ્લેટફોર્મ પર કન્ટેન્ટ મોડરેશનના અભાવને પૂર્ણ કરવા માટે આ પગલું ભરવાનો નિર્ણય લેવામાં આવ્યો છે. આ પહેલા ફેબ્રુઆરી મહિનામાં મસ્કે અલ્ગોરિધમને ઓપન સોર્સ બનાવવાની વાત કરી હતી. ઑક્ટોબર મહિનામાં એલોન મસ્કે ટ્વિટરને કુલ 44 બિલિયન ડૉલરમાં ખરીદ્યું હતું. ત્યારથી મસ્ક તેના ખર્ચને વસૂલવા માટે ઘણા મોટા પગલાં લઈ રહ્યો છે. તેમાં બ્લુ ટિક સબ્સ્ક્રિપ્શન જેવા ઘણા મહત્વપૂર્ણ પગલાં શામેલ છે.

 

FB, Insta બાદ હવે ટ્વીટરને ટક્કર આપવા માટે મેટા લૉન્ચ કરશે નવી એપ, સૌથી ખાસ વાત આ હશે

Twitter Rival: ટ્વીટરનું ટેકઓવર જ્યારથી એલન મસ્કે કર્યુ છે, ત્યારથી સતત તે ચર્ચામાં રહ્યું છે. ક્યારેય ઓફિસના કર્મચારીઓને કાઢવાની વાત હોય, તો ક્યારેય પ્લેટફોર્મ ડાઉન થવાની વાત હોય. ટેકઓવર બદાથી એલન મસ્ક કંપનીના 75% ટકા કર્મચારીઓને કાઢી ચૂક્યા છે. આટલુ બધુ થવા છતાં લોકો પાસે કોઇ ઇન્સ્ટેન્ટ ટેક્સ્ટને શેર કરવા માટે એકમાત્ર પ્લેટફોર્મ ટ્વીટર જ છે, પરંતુ હવે આ બધાની વચ્ચે સમાચાર છે કે, ફેસબુક અને ઇન્સ્ટાગ્રામની પેટન્ટ કંપની મેટા ટ્વીટરને ટક્કર આપવા માટે એક નવી એપ પર કામ કરી રહી છે, જે ડિસેન્ટ્રલાઇઝ્ડ હશે. આનુ કૉડ નેમ P92 રાખવામાં આવ્યુ છે. જાણકારી અનુસાર, કંપની આ એપનું બ્રાન્ડિંગ ઇન્સ્ટાગ્રામના અંડર કરશે, અને લોકો ઇન્સ્ટાગ્રામ આઇડી અને પાસવર્ડની મદદથી આ એપને પણ લૉગીન કરી શકશે. 

હાલમાં આ એપ પર કામ ચાલુ છે. કહેવાઇ રહ્યુ છે કે ટ્વીટરની જેમ જ લોકો આ એપ પર પણ ટેક્સ્ટ, વીડિયો, લોકોને ફોલો વગેરે વસ્તુઓ કરી શકશે. એપ સાથે જોડાયેલી બાકી જાણકારી આગામી સમયમાં કંપની દ્વારા જાહેર કરવામાં આવી શકે છે. જો મેટા નવી એપ લઇને આવે છે તો ટ્વીટરને તગડી કમ્પીટિશન મળશે, કેમ કે સતત ટ્વીટરમાં કેટલીય ટેકનિકલ ખામીઓ આવી રહી છે, અને લોકો આનો ઓપ્શન ઇચ્છે છે. 

ટ્વીટરના સીઇઓ પણ લાવી ચૂક્યા છે નવી એપ  -
ટ્વીટરના ફાઉન્ડર અને પૂર્વ સીઇઓ જેક ડૉર્સી પણ એક નવી એપ લઇને આવ્યા છે, જેને બ્લૂ સ્કાય નામ આપવામાં આવ્યુ છે, આ એપ પણ હૂબહુ ટ્વીટરની જેમ જ દેખાય છે, અને હાલમાં એપલ એપ સ્ટૉર પર અવેલેબલ છે. ટ્વીટર જ્યાં યૂઝર્સને 'Whats is happening' નો મેસેજ બતાવે છે,તો જેક ડૉર્સીની આ નવી એપ 'What's up' પર ફૉકસ કરેછે. હાલમાં આ એપ કેટલાક લોકોને ટેસ્ટિંગ માટે ઓફર કરવામાં આવી રહી છે.

ઉલ્લેખનીય છે કે, એલન મસ્કે ગયા વર્ષે ઓક્ટોબર મહિનામાં 44 અબજ ડૉલરમાં ટ્વીટરને ખરીદી લીધુ હતુ. ટ્વીટરને ખરીદ્યા બાદ એલન મસ્કે સીઇઓ, સીએફઓ અને પૉલીસી હેડ સહિત કેટલાય કર્મચારીઓને કંપનીમાં કાઢી મુક્યા હતા. ટ્વીટર અને એલન મસ્ક ત્યારબાદ સતત ચર્ચામાં રહ્યાં છે.