જનરેટિવ AI સર્ચથી લઇને રોબોટિક્સ સુધી, આ ટેકનોલોજી આ વર્ષે બદલી દેશે દુનિયા

ટેક્નોલોજીની મદદથી દુનિયા પહેલા કરતા વધુ ઝડપથી બદલાઈ રહી છે. આ વર્ષે પણ દરેકની નજર આવી ઘણી ટેક્નોલોજી પર રહેશે જેની દુનિયા પર મોટી અસર પડશે. MIT રિવ્યુએ આવી ટેક્નોલોજીઓની યાદી બહાર પાડી છે.

પ્રતીકાત્મક તસવીર ( freepik)

Source : freepik

આ વર્ષનો એક મહિનો પસાર થઈ ગયો છે અને આ સમયગાળા દરમિયાન ટેક્નોલોજીના ક્ષેત્રમાં ઘણી મહત્વપૂર્ણ ઘટનાઓ જોવા મળી છે. ડીપસીકના સસ્તા AI મોડેલે સમગ્ર ટેક જગતમાં હલચલ મચાવી દીધી છે. આવી સ્થિતિમાં, તે જોવાનું રસપ્રદ રહેશે કે, આ વર્ષે વિશ્વની અન્ય કઈ ટેકનિક પર નજર રહેશે. MIT ટેક્નોલોજી રિવ્યુએ આવી જ કેટલીક ટેક્નોલોજીઓની યાદી બહાર પાડી છે, જે આ વર્ષે નહીં તો આગામી કેટલાક વર્ષોમાં વિશ્વ પર ભારે અસર કરવા જઈ રહી છે.

વેરા સી રૂબિન ઓબ્ઝર્વેટરી

ચિલી સ્થિત આ શક્તિશાળી ટેલિસ્કોપ આ વર્ષે દક્ષિણી આકાશનું એક લાંબું સર્વેક્ષણ શરૂ કરશે. તેની મદદથી વૈજ્ઞાનિકોને ડાર્ક મેટર, આકાશગંગા અને અવકાશ વિશે ઘણું બધું જાણવા મળશે, જે માનવતા માટે ઉપયોગી થઈ શકે છે.

જનરેટિવ AI શોધ

આ વર્ષની શરૂઆતમાં ડીપસીકની લોકપ્રિયતાએ એ માન્યતાને વધુ મજબૂત કરી છે કે, જનરેટિવ AI શોધ આ વર્ષે પ્રભુત્વ ધરાવશે. AIની મદદથી શોધ સરળ બનશે અને ઓન-ડિવાઈસ ટેક્નોલોજી પણ પહેલા કરતા વધુ ઉપયોગી બનવા જઈ રહી છે.

સ્મોલ લેગ્વેજ મોડલ

AI ના વિકાસ સાથે, નાના ભાષાના મોડલ પણ મહત્વપૂર્ણ ભૂમિકા ભજવવા જઈ રહ્યા છે. ઓછા ખર્ચે ઉત્પાદિત આ મોડલ્સ મોટા મોડલને ટક્કર આપી શકશે. તેનાથી માત્ર યુઝર્સને જ નહીં પરંતુ કંપનીઓને પણ ફાયદો થશે.

રોબોટેક્સી

લાંબા પરીક્ષણ પછી, MIT હવે માને છે કે, રોબોટેક્સી આ વર્ષે તેની શક્તિ બતાવી શકે છે. ગયા અઠવાડિયે જ અમેરિકન કંપની વેમોએ 10 નવા શહેરોમાં ઓટોનોમસ ડ્રાઇવિંગ ટેક્નોલોજીના ટેસ્ટ શરૂ કરવાની વાત કરી હતી.

ઝડપી શીખવાના રોબોટ્સ

રોબોટ્સ લાંબા સમયથી આપણી વચ્ચે છે, પરંતુ AIના આગમન પછી, તેમાં જબરદસ્ત સુધારો થયો છે. એવા અહેવાલો છે ,કે ફોક્સકોન ઉત્પાદન વધારવા માટે તેની ફેક્ટરીઓમાં માનવ જેવા રોબોટ્સ તૈનાત કરશે.        

સ્ટેમ સેલ થેરાપી

આ વર્ષે વિશ્વની નજર સ્ટેમ સેલ થેરાપી પર પણ રહેશે. વાસ્તવમાં, લેબમાં બનેલા કેટલાક કોષોએ ટાઇપ 1 ડાયાબિટીસ અને અન્ય કેટલીક બીમારીઓને ઠીક કરવામાં સફળતા મેળવી છે. આવી સ્થિતિમાં અપેક્ષાઓ વધુ વધી છે.