ફ્લિપકાર્ટ પર લૉન્ચ થયુ ઓછા વજનવાળું અને પ્રીમિયમ લેપટૉપ, લેનોવો અને ડેલને આપશે ટક્કર

અમેરિકન કંપની AVITA એ પોતાનુ નવુ લેપટૉપ Liber V14 ની લિમીટેડ એડિશન લૉન્ચ કરી છે. આ મૉડલની કિંમત 62990 રૂપિયા છે, અને તમે આને ફ્લિપકાર્ટ પર ચાલી રહેલી બિગ બિલિયન ડે સેલમાંથી ખરીદી શકો છો

નવી દિલ્હીઃ ફેસ્ટિવ સિઝનને ધ્યાનમાં રાખીને આ સમયે ફ્લિપકાર્ટ પર બિગ બિલિયન ડે સેલ ચાલી રહ્યો છે. આ સેલ દરમિયાન કેટલીય સારી પ્રૉડક્ટ્સ પર સારી ઓફર્સ મળી રહી છે. ત્યારે આ બધાની વચ્ચે અમેરિકન કંપની AVITA એ પોતાનુ નવુ લેપટૉપ Liber V14 ની લિમીટેડ એડિશન લૉન્ચ કરી છે. આ મૉડલની કિંમત 62990 રૂપિયા છે, અને તમે આને ફ્લિપકાર્ટ પર ચાલી રહેલી બિગ બિલિયન ડે સેલમાંથી ખરીદી શકો છો. લેપટૉપની સાથે એસબીઆઇ કાર્ડ પર 10 ટકા સુધીની છૂટ મળી રહી છે. શાનદાર ફિચર્સ.... ફિચર્સની વાત કરીએ તો નવા AVITA Liber V14 અલ્ટ્રા પોર્ટેબલ લેપટૉપ છે, પરંતુ આમાં પાવરફૂલ ઇન્ટેલ કૉર i7, 10 th જનરેશન પ્રૉસેસર આપવામાં આવ્યુ છે. આમં 1 મેગાપિક્સલનો વેબ કેમરો છે, આ ઉપરાંત આ 16GB RAM અને 1TB SSDથી લેસ છે. આ ઉપરાંત આમાં UHD ગ્રાફિક કાર્ડ લગાવેલુ છે, આ 14 ઇંચની ફૂલ HD IPS ડિસ્પ્લેવાળી છે. જે એન્ટી ગ્લેયર ટેકનોલૉજી વાળી છે. આ લેપટૉપમાં ઓપ્ટિમલ ટૉપ વેબ કેમેરો છે. 10 કલાકનો બેકઅપ આપે છે બેટરી આ લેપટૉપમાં 4830mAhની બેટરી આપવામાં આવી છે, જે 10 કલાક સુધીનો બેટરી બેકઅપ આપે છે. આ લેપટૉપની સૌથી ખાસ વાત તેની ડિઝાઇન છે. આ લેપટૉપનુ વજન 1.25 કિલોગ્રામ છે. કનેક્ટિવિટી માટે નવા Avita Liber V14માં બે USB પોર્ટ, એક USB ટાઇપ-C પોર્ટ, એક HDMi પોર્ટ અને એક માઇક્રો એસડી કાર્ડ સ્લૉટની જગ્યા આપવામાં આવી છે. ખાસ વાત છે કે અવિતાનુ આ લેપટૉપ લેનોવો અને ડેલના લેપટૉપને જબરદસ્ત ટક્કર આપશે.